ರಾಮನಗರ: ₹ 5.30 ಕೋಟಿ ಇದ್ದ ಬ್ಯಾಂಕ್‌ ವಾಹನ ವಶಕ್ಕೆ

ರಾಮನಗರ: ಸಮಪರ್ಕ ದಾಖಲೆಗಳಿಲ್ಲದೆ ₹5.30 ಕೋಟಿ ಸಾಗಿಸುತ್ತಿದ್ದ ಪಂಜಾಬ್ ನ್ಯಾಷನಲ್ ಬ್ಯಾಂಕ್‌ನ ಹಣ ಸಾಗಿಸುವ ವಾಹನವನ್ನು ತಾಲ್ಲೂಕಿನ ಹೆಜ್ಜಾಲ ಸಮೀಪದ ಬೆಂಗಳೂರು–ಮೈಸೂರು ಹೆದ್ದಾರಿ ಕಣಮಿಣಕಿ ಟೋಲ್ ಪ್ಲಾಜಾ ಬಳಿ ಚುನಾವಣಾ ಚೆಕ್‌ಪೋಸ್ಟ್ ಸಿಬ್ಬಂದಿ ಶುಕ್ರವಾರ ತಡೆದು ವಶಕ್ಕೆ ಪಡೆದರು.

ಬ್ಯಾಂಕ್‌ನ ಶಾಖೆಗಳಿಗೆ ತಲುಪಿಸಲು ವಾಹನದಲ್ಲಿ ಹಣ ಕೊಂಡೊಯ್ಯಲಾಗುತ್ತಿತ್ತು. ಈ ವೇಳೆ, ವಾಹನ ತಡೆದು ವಿಚಾರಿಸಿದೆವು. ಅವರು ತೋರಿಸಿದ ದಾಖಲೆಗಳು ಸಮರ್ಪಕವಾಗಿಲ್ಲದ್ದರಿಂದ, ವಾಹನವನ್ನು ವಶಕ್ಕೆ ಪಡೆದು ದಾಖಲೆಗಳನ್ನು ತಂದು ತೋರಿಸಿ ಕೊಂಡೊಯ್ಯುವಂತೆ ಸೂಚಿಸಿದೆವು. ಕೆಲ ತಾಸಿನ ಬಳಿಕ ಬ್ಯಾಂಕ್ ಅಧಿಕಾರಿಗಳು ದಾಖಲೆಗಳನ್ನು ತಂದು ತೋರಿಸಿ ವಾಹನವನ್ನು ಕೊಂಡೊಯ್ದರು ಎಂದು ಬಿಡದಿ ಪೊಲೀಸರು ತಿಳಿಸಿದರು.