ಒಣಗಿದ ಮರ ತೆರವಿಗೆ ಒತ್ತಾಯ

ಮಾಗಡಿ: ತಾಲ್ಲೂಕಿನ ವೀರೇಗೌಡನ ದೊಡ್ಡಿಯಿಂದ ಮಂಚನಬೆಲೆ ಜಲಾಶಯಕ್ಕೆ ತೆರಳುವ ಮುಖ್ಯರಸ್ತೆಯಲ್ಲಿ ಒಣಗಿದ ಮರಗಳು ವಿದ್ಯುತ್ ಕಂಬಕ್ಕೆ ತಾಕಿಕೊಂಡು ಬೀಳುವ ಸ್ಥಿತಿಯಲ್ಲಿವೆ. ಕೂಡಲೇ ಬೆಸ್ಕಾಂ ಇಲಾಖೆ ಒಣಗಿದ ಮರ ತೆರವುಗೊಳಿಸುವಂತೆ ಗ್ರಾಮಸ್ಥರು ಒತ್ತಾಯಿಸಿದರು.

ಈ ರಸ್ತೆಯಲ್ಲಿ ಸಾಕಷ್ಟು ವಾಹನ ಸವಾರರು, ಪ್ರವಾಸಿಗರು ಪ್ರತಿದಿನವೂ ಸಂಚಾರ ಮಾಡುತ್ತಿದ್ದು ಒಂದು ವೇಳೆ ಬಿರುಗಾಳಿ ಸಹಿತ ಮಳೆಗೆ ವಿದ್ಯುತ್ ಕಂಬದ ಜೊತೆ ಮರ ಬಿದ್ದರೆ ಪ್ರಾಣಾಪಾಯ ಸಂಭವಿಸುವ ಸಾಧ್ಯತೆ ಇದೆ.

ಕೂಡಲೇ ಬೆಸ್ಕಾಂ ಇಲಾಖೆ ವಿದ್ಯುತ್ ಕಂಬಗಳಿಗೆ ತೊಂದರೆ ಆಗಿರುವ ಮರಗಳನ್ನು ತೆರವುಗೊಳಿಸಲು  ವೀರೇಗೌಡನದೊಡ್ಡಿ, ಮತ್ತ, ಮಂಚನಬೆಲೆ ಗ್ರಾಮಸ್ಥರು ಒತ್ತಾಯಿಸಿದ್ದಾರೆ.