ಕುದೂರು: ರಜೆಯಲ್ಲಿಯೂ ಕಳೆಗಟ್ಟಿದ ವಾಲ್ಮೀಕಿ ಜಯಂತಿ

ಕುದೂರು: ಮಹರ್ಷಿ ವಾಲ್ಮೀಕಿ ಜಯಂತಿ ಎಂದು ಎಲ್ಲೆಡೆ ಶಾಲಾಮಕ್ಕಳೆಲ್ಲ ರಜೆಯ ಮೋಜಿನಲ್ಲಿದ್ದರೆ ಹೋಬಳಿಯ ಬೆಟ್ಟಹಳ್ಳಿ ಕಾಲೋನಿ ಸರ್ಕಾರಿ ಶಾಲೆಯ ಮಕ್ಕಳು ಶಿಸ್ತಿನಿಂದ ಶಾಲೆಗೆ ಬಂದು ವಾಲ್ಮೀಕಿ ಬಗ್ಗೆ ತಿಳಿದುಕೊಂಡರು.

ಮುಂಜಾನೆಯೇ ಶಾಲೆಯನ್ನು ತಳಿರು ತೋರಣಗಳಿಂದ ಸಿಂಗರಿಸಿ ಶಾಲೆಯ ಆವಣದಲ್ಲಿ ರಂಗವಲ್ಲಿ ಬಿಡಿಸಿ ಮಹರ್ಷಿ ವಾಲ್ಮೀಕಿ ಫೋಟೊ ಇಟ್ಟು ಪೂಜೆ ಸಲ್ಲಿಸಲಾಯಿತು. 

ಮುಖ್ಯ ಶಿಕ್ಷಕ ರಘುಪತಿ ಮಹರ್ಷಿ ವಾಲ್ಮೀಕಿ ಬಗ್ಗೆ ಮಕ್ಕಳಿಗೆ ಮಾಹಿತಿ ತಿಳಿಸಿಕೊಟ್ಟರು. ಸಮಾಜವನ್ನು ಸನ್ಮಾರ್ಗದಲ್ಲಿ ಕೊಂಡೊಯ್ಯಲು ವಾಲ್ಮೀಕಿ ರಚಿಸಿರುವ ರಾಮಾಯಣ ಹೇಗೆ ದಾರಿದೀಪವಾಗಿದೆ ಎಂಬ ಬಗ್ಗೆ ಮಕ್ಕಳಿಗೆ ತಿಳಿಸಿದರು.

ಎಸ್.ಡಿ.ಎಂ.ಸಿ ಅಧ್ಯಕ್ಷ ಪಾತರಾಜು, ಸದಸ್ಯರಾದ ಗೌರಮ್ಮ, ಅನುಸೂಯಮ್ಮ, ಅಂಗನವಾಡಿ ಕಾರ್ಯಕರ್ತೆ ಸಾಕಮ್ಮ ಮತ್ತಿತರರು ಪಾಲ್ಗೊಂಡಿದ್ದರು.