ಶಿವಮೊಗ್ಗ | ಎಟಿಎಂ ಕಾರ್ಡ್ ಪಡೆದು ವಂಚನೆ: ಬಂಧನ

ಶಿವಮೊಗ್ಗ: ಸಹಾಯ ಮಾಡುವ ನೆಪದಲ್ಲಿ ವ್ಯಕ್ತಿಯೊಬ್ಬರ ಎಟಿಎಂ ಪಡೆದು, ಕಾರ್ಡ್‌ ಬದಲಿಸಿ ಹಣ ಲಪಟಾಯಿಸಿದ ಆರೋಪಿಯನ್ನು ಸಿಇಎನ್‌ ಅಪರಾಧ ಠಾಣೆ ಪೊಲೀಸರು ಶನಿವಾರ ಬಂಧಿಸಿದ್ದಾರೆ.

ಭದ್ರಾವತಿ ಹುಡ್ಕೊ ಕಾಲೊನಿಯ ಎನ್‌.ಸಾಗರ (27) ಬಂಧಿತ ಆರೋಪಿ.

ಭದ್ರಾವತಿ ಹಸೂರು ಸಿದ್ದಾಪುರದ ಅಹಮದ್ ಅಯೂಬ್ ಅವರು ಶಿವಮೊಗ್ಗ ಕೆಎಸ್‌ಆರ್‌ಟಿಸಿ ನಿಲ್ದಾಣದ ಎಟಿಎಂನಲ್ಲಿ ಹಣ ಡ್ರಾ ಮಾಡುವಾಗ ತಾಂತ್ರಿಕ ಸಮಸ್ಯೆಯಾಗಿದೆ. ಅಲ್ಲೇ ಇದ್ದ ಆರೋಪಿಯ ಸಹಾಯ ಕೇಳಿದ್ದಾರೆ. ಆಗ ಸಹಾಯ ಮಾಡುವ ನೆಪದಲ್ಲಿ ಆತ ವಂಚಿಸಿದ್ದಾನೆ. ನಂತರ ₹37,887 ಡ್ರಾ ಮಾಡಿಕೊಂಡಿದ್ದಾನೆ. ಇನ್‌ಸ್ಪೆಕ್ಟರ್ ಗುರುರಾಜ್ ಕರ್ಕಿ ನೇತೃತ್ವದ ತಂಡ ಆರೋಪಿಯನ್ನು ಬಂಧಿಸಿದೆ.