ಮೀನು ತುಂಬಿದ ಆಟೊದಲ್ಲಿ ಗಾಂಜಾ: ಇಬ್ಬರ ಬಂಧನ

ಹೊಸನಗರ: ಪಟ್ಟಣದ ಹೊರವಲಯದ ಮಾವಿನಕೊಪ್ಪದ ಬಳಿ ಮೀನು ತುಂಬಿದ ಆಟೊದಲ್ಲಿ ಗಾಂಜಾ ಸಾಗಿಸುತ್ತಿದ್ದ ಸಂಬಂಧ ದಾಳಿ ನಡೆಸಿದ ಪೊಲೀಸರು ಇಬ್ಬರನ್ನು ಬಂಧಿಸಿದ್ದಾರೆ.

ಬಟ್ಟೆಮಲ್ಲಪ್ಪದಿಂದ ಬರುತ್ತಿದ್ದ ಮೀನು ತುಂಬಿದ ಆಟೊದಲ್ಲಿ ಗಾಂಜಾ ಇದೆ ಎಂಬ ಮಾಹಿತಿ ಸಂಗ್ರಹಿಸಿದ ಪಿಎಸ್ಐ ರಾಜೇಂದ್ರ ನಾಯ್ಕ ಹಾಗೂ ಸಿಬ್ಬಂದಿ ಮಾವಿನಕೊಪ್ಪ ಬಳಿ ದಾಳಿ ನಡೆಸಿ ಆಟೊದಲ್ಲಿದ್ದ ಒಂದು ಕೆ.ಜಿ. ಗಾಂಜಾ ವಶಪಡಿಸಿಕೊಂಡಿದ್ದಾರೆ.

ಫಯಾಜ್ ಬಿನ್ ಕರಿಸಾಬ್, ಕೇಶವಪುರದ ಫಿರೋಜ್‌ನನ್ನು ಬಂಧಿಸಿದ್ದಾರೆ. ಎಎಸ್ಐ ಶ್ರೀನಿವಾಸ್, ಕಿರಣ್‌ಕುಮಾರ್, ಅಶೋಕ್ ನಾಯ್ಕ, ಆದರ್ಶ, ಅಮೃತ, ಗಿರೀಶ್ ಕಾರ್ಯಾಚರಣೆ ನಡೆಸಿದ್ದರು.