ನ. 17, 18ಕ್ಕೆ ಹೆಗ್ಗೋಡಿನಲ್ಲಿ ನಾಟಕ ಪ್ರದರ್ಶನ

ಸಾಗರ: ಸಮೀಪದ ಹೆಗ್ಗೋಡಿನ ನೀನಾಸಂ ಆವರಣದಲ್ಲಿ ನ. 17 ಹಾಗೂ 18ರಂದು ಸಂಜೆ 7ಕ್ಕೆ ನೀನಾಸಂ ಸಂಸ್ಥೆಯು ಆಹ್ವಾನಿತ ನಾಟಕ ಪ್ರದರ್ಶನವನ್ನು ಆಯೋಜಿಸಿದೆ.

17ರಂದು ಮೈಸೂರಿನ ರಂಗಾಯಣ ತಂಡದಿಂದ ‘ಕಸಾಂದ್ರ ಮತ್ತು ಸತಿ’ (ರಚನೆ: ಎಚ್.ಎಸ್.ಶಿವಪ್ರಕಾಶ್, ನಿರ್ದೇಶನ: ಬಿ.ಆರ್.ವೆಂಕಟರಮಣ ಐತಾಳ), 18ಕ್ಕೆ ಮಂಚಿಕೇರಿಯ ಸಂಹತಿ ಬಳಗದಿಂದ ‘ಪರಮಪದಸೋಪಾನಪಟ’ (ರಚನೆ: ಅಕ್ಷರ ಕೆ.ವಿ, ನಿರ್ದೇಶನ: ವಿದ್ಯಾ ಹೆಗಡೆ) ನಾಟಕ ಪ್ರದರ್ಶನವಿದೆ. ಪ್ರೇಕ್ಷಕರಿಗೆ ಉಚಿತ ಪ್ರವೇಶವಿದೆ ಎಂದು ಪ್ರಕಟಣೆ ತಿಳಿಸಿದೆ.