ಖೇಲೊ ಇಂಡಿಯಾ: ಬೆಳ್ಳಿಗೆ ಮುತ್ತಿಟ್ಟ ಸೂರ್ಯ

ತೀರ್ಥಹಳ್ಳಿ: ನವದೆಹಲಿಯ ಜವಾಹರಲಾಲ್‌ ನೆಹರೂ ಕ್ರೀಡಾಂಗಣದಲ್ಲಿ ನಡೆದ ಖೇಲೊ ಇಂಡಿಯಾ ಪ್ಯಾರಾ ಒಲಿಂಪಿಕ್ಸ್‌–2023ರ ಪುರುಷರ ಶಾಟ್‌ಪಟ್‌ ವಿಭಾಗದಲ್ಲಿ ಕರ್ನಾಟಕವನ್ನು ಪ್ರತಿನಿಧಿಸಿದ್ದ ಕಟ್ಟೇಹಕ್ಕಲು ಸಮೀಪದ ತಗಡವಳ್ಳಿ ಗ್ರಾಮದ ಸೂರ್ಯ ಟಿ.ಡಿ. ಬೆಳ್ಳಿ ಪದಕ ಪಡೆದಿದ್ದಾರೆ.

ತುಂಗಾ ಮಹಾವಿದ್ಯಾಲಯದಲ್ಲಿ ಬಿಎ ಪದವಿ ಪಡೆದುಕೊಂಡಿರುವ ಇವರು ತಗಡವಳ್ಳಿ ದಯಾನಂದ ಟಿ.ಎಸ್. ಮತ್ತು ರೇಷ್ಮ ಜೆ.ಎಸ್.‌ ದಂಪತಿ ಪುತ್ರ. ಇವರಿಗೆ ಅರ್ಜುನ ಪ್ರಶಸ್ತಿ ಪುರಸ್ಕೃತರಾದ ಎಸ್.ಡಿ. ಈಶನ್‌ ತರಬೇತಿ ನೀಡಿದ್ದಾರೆ.