ಅರ್ಹ ಕಲಾವಿದರಿಗೆ ಮಾಸಾಶನ ಸರ್ಕಾರದ ಕರ್ತವ್ಯ

ಸಾಗರ: ಅರ್ಹ ಹಿರಿಯ ಕಲಾವಿದರನ್ನು ಗುರುತಿಸಿ ಅವರಿಗೆ ಮಾಸಾಶನ ನೀಡುವುದು ಸರ್ಕಾರದ ಕರ್ತವ್ಯವಾಗಿದೆ ಎಂದು ಶಾಸಕ ಗೋಪಾಲಕೃಷ್ಣ ಬೇಳೂರು ಹೇಳಿದರು.

ಇಲ್ಲಿನ ಗಾಂಧಿ ಮೈದಾನದಲ್ಲಿ ಭಾನುವಾರ ನಡೆದ ಕಾರ್ಯಕ್ರಮದಲ್ಲಿ ಹಿರಿಯ ಯಕ್ಷಗಾನ ಕಲಾವಿದ ಮೋಹನ್ ದಾಸ್ ಶೆಣೈ ಆರ್ಗೋಡು, ಉದಯೋನ್ಮುಖ ಭಾಗವತ ಕಲಾವಿದೆ ಚಿಂತನಾ ಹೆಗಡೆ ಮಾಳ್ಕೋಡು ಅವರನ್ನು ಸನ್ಮಾನಿಸಿ ಅವರು ಮಾತನಾಡಿದರು.

ಹಲವು ದಶಕಗಳ ಕಾಲ ಕಲಾ ಕ್ಷೇತ್ರದಲ್ಲಿ ಸಾಧನೆ ಮಾಡಿಯೂ ಮಾಸಾಶನಕ್ಕಾಗಿ ಕಲಾವಿದರು ಅರ್ಜಿ ಹಿಡಿದು ಅಲೆಯಬೇಕಾದ ಪರಿಸ್ಥಿತಿ ನಿರ್ಮಾಣವಾಗಬಾರದು. ಸರ್ಕಾರವೆ ಗುರುತಿಸಿ ಇಂತಹ ಕಲಾವಿದರಿಗೆ ಮಾಸಾಶನ ನೀಡಬೇಕು ಎಂದು ಅವರು ಅಭಿಪ್ರಾಯಪಟ್ಟರು.

ಪ್ರಮುಖರಾದ ಜನ್ಸಾಲೆ ರಾಘವೇಂದ್ರ ಆಚಾರ್ಯ, ಗಣಪತಿ ಶಿರಳಗಿ, ಎಸ್.ವಿ.ಹಿತಕರ ಜೈನ್, ತ್ರಿಲೋಚನಾ ಹೆಗಡೆ ಇದ್ದರು. ಶ್ರೀ ರಾಮಾಂಜನೇಯ, ಮಾತೆ ಜಗನ್ಮಾತೆ ಯಕ್ಷಗಾನ ಪ್ರದರ್ಶನ ನಡೆಯಿತು.