ಸೊರಬದಲ್ಲಿ ಉತ್ತಮ ಮಳೆ

ಸೊರಬ: ತಾಲ್ಲೂಕಿನಲ್ಲಿ ಮೂರು ದಿನಗಳಿಂದ ಸುರಿಯುತ್ತಿರುವ ಮಳೆಯಿಂದಾಗಿ ನದಿ, ಹಳ್ಳ, ಕೆರೆ, ಕಟ್ಟೆಗಳು ತುಂಬುವ ಹಂತ ತಲುಪಿವೆ‌.

ಮಳೆ ಬಿರುಸಾಗಿ ಸುರಿಯುತ್ತಿರುವುದರಿಂದ‌ ರೈತರು ನಾಟಿ‌ಗೆ ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾರೆ. ಕೆಲ ದಿನಗಳಿಂದ ಉತ್ತಮ ಮಳೆ ಆಗುತ್ತಿದ್ದು, ರೈತರ ಕೃಷಿ ಚಟುವಟಿಕೆ ನಡೆಸಲು ಪೂರಕವಾಗಿದೆ. ತಾಲ್ಲೂಕಿನ ಪ್ರಮುಖ ನದಿಗಳಾದ ವರದಾ ಹಾಗೂ ದಂಡಾವತಿ ನದಿಗಳಲ್ಲಿ ಹರಿಯುವ ನೀರಿನ‌ ಮಟ್ಟ ಹೆಚ್ಚಾಗಿದೆ. ನದಿ ಪಾತ್ರದ ಕೆಲವು ಜಮೀನುಗಳು ಜಲಾವೃತಗೊಂಡಿವೆ.