Video | ಜೋಗ ಜಲಪಾತದಲ್ಲಿ ಮೈದಳೆದ ವೈಭವ

ಶರಾವತಿ ಕಣಿವೆಯಲ್ಲಿ ಈಗ ಮುಂಗಾರು ವೈಭವ. ಇಳೆ–ಮಳೆಯ ನಡುವೆ ಸುಂದರ ದೃಶ್ಯಕಾವ್ಯ. ಜಲಪಾತದ ಈ ದೃಶ್ಯ ಕಾವ್ಯಕ್ಕೆ ದೃಷ್ಟಿ ತೆಗೆಯುವಂತೆ ಆಗಾಗ ನೆಲ-ಮುಗಿಲಿಗೆ ಹರಡಿ ನಿಲ್ಲುತ್ತಿದೆ ಮಂಜಿನ ಪರದೆ. ಶಿವಮೊಗ್ಗ ಜಿಲ್ಲೆ ಸಾಗರ ತಾಲ್ಲೂಕಿನ ಕಾರ್ಗಲ್ ನ ಲಿಂಗನಮಕ್ಕಿ ಜಲಾಶಯ ಭರ್ತಿಯ ಹಂತಕ್ಕೆ ತಲುಪಿದ್ದು, ಗುರುವಾರ ನದಿಗೆ 10 ಸಾವಿರ ಕ್ಯುಸೆಕ್ ನೀರು ಹರಿಸಲಾಯಿತು. ಶರಾವತಿ ಹರಿದು ಬರುತ್ತಿದ್ದಂತೆ, ಜೋಗದಲ್ಲಿ ಮೊದಲಿನ ವೈಭವ ಮನೆ ಮಾಡಿತು.