ಹೊಸನಗರ | ಕನ್ನಡ ಧ್ವಜಕ್ಕೆ ಕಿಡಿಗೇಡಿಗಳಿಂದ ಹಾನಿ

ಹೊಸನಗರ: ಪಟ್ಟಣದ ರಾಷ್ಟ್ರೀಯ ಹೆದ್ದಾರಿಯ ಕೆಇಬಿ ಸರ್ಕಲ್ ಬಳಿ ಇದ್ದ ಕನ್ನಡ ಧ್ವಜ ಸ್ತಂಭವನ್ನು ಕಿಡಿಗೇಡಿಗಳು ದ್ವಂಸ ಮಾಡಿದ್ದಾರೆ.

ಇಲ್ಲಿನ ರಾಷ್ಟ್ರೀಯ ಹೆದ್ದಾರಿಯ ಪಕ್ಕದಲ್ಲಿ ಸ್ಥಳೀಯ ರಾಜರತ್ನಂ ಪುನೀತ್ ರಾಜಕುಮಾರ್ ಕನ್ನಡ ಯುವಕ ಸಂಘದವರು ಈಚೆಗೆ ನಿರ್ಮಿಸಿದ್ದ 70 ಅಡಿ ಉದ್ದದ ಕನ್ನಡ ಧ್ವಜವನ್ನು ಮಂಗಳವಾರ ರಾತ್ರಿ ದ್ವಂಸ ಮಾಡಲಾಗಿದೆ.

ಯಾವ ಕಾರಣಕ್ಕಾಗಿ ದ್ವಂಸ ಮಾಡಲಾಗಿದೆ ಎಂಬುದು ತಿಳಿಯುತ್ತಿಲ್ಲ. ಘಟನೆ ಕುರಿತು ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಲಾಗಿದೆ ಎಂದು ಸಂಘದ ಮುಖಂಡ ಪ್ರಶಾಂತ್ ತಿಳಿಸಿದ್ದಾರೆ.