ತುಮಕೂರು | ಲಾರಿಗೆ ಕಾರು ಡಿಕ್ಕಿ: ತಂದೆ, ಮಗ ಸಾವು

ಶಿರಾ: ರಾಷ್ಟ್ರೀಯ ಹೆದ್ದಾರಿ- 48ರ ಚಿಕ್ಕನಹಳ್ಳಿ ಸಮೀಪದ ಶಿರಾಕುರಿ ಡಾಬಾ ಬಳಿ ಬುಧವಾರ ಮುಂಜಾನೆ ಸಂಭವಿಸಿದ ಅಪಘಾತದಲ್ಲಿ ತಂದೆ, ಮಗ ಮೃತಪಟ್ಟಿದ್ದಾರೆ.

ಗದಗ ಜಿಲ್ಲೆಯ ಮುಂಡರಗಿ ಪಟ್ಟಣದ ಗುರುರಾಜ ಜಿ.ಅಬ್ಬಿಗೆರೆ (30) ಹಾಗೂ ಅವರ ಮಗ ರಿಶಾಂಕ್ (2) ಮೃತರು.

ಬೆಂಗಳೂರಿನಿಂದ ಮುಂಡರಗಿಗೆ ಕಾರಿನಲ್ಲಿ ತೆರಳುತ್ತಿದ್ದಾಗ ಕಡವಿಗೆರೆ ಸಮೀಪ ಕಾರು ಲಾರಿಗೆ ಹಿಂದಿನಿಂದ ಡಿಕ್ಕಿ ಹೊಡೆದಿದೆ. ಗುರುರಾಜ ಹಾಗೂ ರಿಶಾಂಕ್ ಮೃತಪಟ್ಟಿದ್ದಾರೆ. ಗುರುರಾಜ ಪತ್ನಿ ಹರ್ಷಿತ ತೀವ್ರವಾಗಿ ಗಾಯಗೊಂಡಿದ್ದಾರೆ.

ಕಳ್ಳಂಬೆಳ್ಳ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.