ಕುಣಿಗಲ್: ಎಟಿಎಂ ದೋಚಲು ಯತ್ನ

ಕುಣಿಗಲ್: ಪಟ್ಟಣದ ಮದ್ದೂರು ರಸ್ತೆಯಲ್ಲಿ ಎಟಿಎಂ ಯಂತ್ರ ದೋಚಲು ದುಷ್ಕರ್ಮಿಗಳಿಬ್ಬರು ಶನಿವಾರ ಮುಂಜಾನೆ ಯತ್ನಿಸಿದ್ದಾರೆ.

ಮುಸುಕುಧಾರಿಗಳಿಬ್ಬರು ಎಟಿಎಂ ನಾಶಪಡಿಸಿ ಹಣವನ್ನು ದೋಚಲು ಯತ್ನಿಸಿದ್ದಾರೆ. ಗಸ್ತಿನಲ್ಲಿದ್ದ ಪೊಲೀಸರು ಬರುವ ವೇಳೆ ಪರಾರಿಯಾಗಿದ್ದಾರೆ.

ಸಿಪಿಐ ನವೀನ್ ಗೌಡ, ಬ್ಯಾಂಕ್ ವ್ಯವಸ್ಥಾಪಕರ ಸಭೆ ನಡೆಸಿ, ಎಟಿಎಂ ನಿರ್ವಹಣೆಗೆ ಒತ್ತು ನೀಡಲು ಮತ್ತು ಬ್ಯಾಂಕ್ ಸಮಯದ ನಂತರ ಎಟಿಎಂ ಯಂತ್ರದ ಮೇಲೆ ನಿಗಾ ಇಡಲು ಭದ್ರತಾ ಸಿಬ್ಬಂದಿಯನ್ನು ನಿಯೋಜಿಸುವಂತೆ ಸೂಚಿಸಿದ್ದಾರೆ.

ಹೆಚ್ಚವರಿ ಪೊಲೀಸ್ ವರಿಷ್ಠಾಧಿಕಾರಿ ಮರಿಯಪ್ಪ, ಸಿಪಿಐ ನವೀನ್ ಗೌಡ ಸ್ಥಳ ಪರಶೀಲಿಸಿದರು.