ತುಮಕೂರು: ಕೊರೊನಾ ಸೋಂಕು ನಿವಾರಣೆಗೆ ಮಸೀದಿಗಳಲ್ಲಿ ಪ್ರಾರ್ಥನೆ

ತುಮಕೂರು: ಬಕ್ರೀದ್ ಅಂಗವಾಗಿ ನಗರದ ಬಾರ್ ಲೈನ್ ರಸ್ತೆ, ಜಾಮಿಯಾ ಮಸೀದಿ, ಎನ್.ಆರ್.ಕಾಲೊನಿ, ಪಿ.ಎಚ್.ಕಾಲೊನಿ, ಯಾರಬ್ ನಗರ ಸೇರಿದಂತೆ ವಿವಿಧ ಕಡೆಗಳಲ್ಲಿರುವ ಮಸೀದಿಗಳಲ್ಲಿ ಮುಸ್ಲಿಮರು ಪ್ರಾರ್ಥನೆ ಸಲ್ಲಿಸಿದರು.

ಕೊರೊನಾ ಕಾರಣದಿಂದ ಮಸೀದಿಗಳಿಗೆ ಬರುವವರ ಸಂಖ್ಯೆ ಸಹ ಕಡಿಮೆ ಇತ್ತು.

ಬಾರ್ ಲೈನ್ ರಸ್ತೆಯಲ್ಲಿರುವ ಮಸೀದಿಯಲ್ಲಿ ಪ್ರಾರ್ಥನೆ ಸಲ್ಲಿಸಿದ ನಂತರ ಮಾತನಾಡಿದ ಮಾಜಿ ಶಾಸಕ ಹಾಗೂ ಕಾಂಗ್ರೆಸ್ ಮುಖಂಡ ಷಫಿ ಅಹಮದ್, ಜಿಲ್ಲೆಯಾದ್ಯಂತ ಸರ್ಕಾರದ ಮಾರ್ಗಸೂಚಿಗಳ ಅನ್ವಯ ಹಬ್ಬ ಆಚರಿಸುತ್ತಿದ್ದೇವೆ. ಅಂತರ ಕಾಪಾಡಿಕೊಂಡು, ಮಾಸ್ಕ್ ಧರಿಸಿ ಮಸೀದಿಗಳಿಗೆ ಬಂದಿದ್ದೇವೆ. ಕೊರೊನಾ ಸೋಂಕು ನಿವಾರಣೆ ಆಗಲಿ ಎಂದು ಪ್ರಾರ್ಥನೆ ಸಲ್ಲಿಸಿದ್ದೇವೆ ಎಂದರು.

ಪ್ರಾರ್ಥನೆಗೆ ಹೆಚ್ಚು ಜನರು ಸೇರಿದರೆ ತಲಾ 50 ಮಂದಿಯ ತಂಡದಂತೆ ಪ್ರಾರ್ಥನೆ ಸಲ್ಲಿಸಬೇಕು ಎಂದು ಜಿಲ್ಲಾಡಳಿತ ಸೂಚಿಸಿದೆ.