ದಸರಾ ರಜೆ ಕಡಿತ: ಕ್ರಮಕ್ಕೆ ಆಗ್ರಹ

ಪಾವಗಡ: ದಸರಾ ಹಬ್ಬದ ರಜೆಗಳನ್ನು ಕಡಿತಗೊಳಿಸಿರುವುದನ್ನು ವಿರೋಧಿಸಿ ಸೋಮವಾರ ಕ್ಷೇತ್ರ ಶಿಕ್ಷಣಾಧಿಕಾರಿ, ತಾಲ್ಲೂಕು ಕಚೇರಿ ಅಧಿಕಾರಿಗಳಿಗೆ ಶ್ರೀರಾಮ ಸೇನೆ ಪದಾಧಿಕಾರಿಗಳು ಮನವಿ ನೀಡಿದರು.

ದಸರಾ ಹಬ್ಬದ ರಜೆ ನೀಡದೆ ತಾಲ್ಲೂಕಿನ ಬಹುತೇಕ ಶಾಲೆಗಳು ತರಗತಿ, ಪರೀಕ್ಷೆ ನಡೆಸುತ್ತಿರುವುದು ಖಂಡನೀಯ ಎಂದು ಆರೋಪಿಸಿದರು.

ಹಲ ದಶಕಗಳಿಂದ ಪ್ರಾಥಮಿಕ, ಪ್ರೌಢಶಾಲೆಗಳಿಗೆ ದಸರಾ ರಜೆ ನೀಡುವುದು ಸಂಪ್ರದಾಯ. ಇತ್ತೀಚೆಗೆ ಉದ್ದೇಶಪೂರ್ವಕವಾಗಿ ತಡೆಯುವ ಷಡ್ಯಂತ್ರ ನಡೆಸಲಾಗುತ್ತಿದೆ ಎಂದು ದೂರಿದರು.

ಶಾಲೆಗಳಿಗೆ ಕಟ್ಟುನಿಟ್ಟಿನ ರಜೆ ಘೋಷಣೆ ಮಾಡಬೇಕು. ಬೇಡಿಕೆ ಈಡೇರಿಸದಿದ್ದಲ್ಲಿ ಶಾಲೆಗೆ ಬೀಗಹಾಕಿ ಪ್ರತಿಭಟನೆ ನಡೆಸಲಾಗುವುದು ಎಂದರು.

ಅನಿಲ್ ಯಾದವ್, ರಾಮು, ಜಿತೇಂದ್ರ ಬಾಬು, ರಾಮಾಂಜಿ, ಅಲಕುಂದಿ ರಾಜ್, ತಿರುಮಲೇಶ್, ಮಾರುತಿ, ಸ್ವರೂಪ, ನಿತಿನ್, ನಾಗೇಂದ್ರಯ್ಯ, ರಾಜಕುಮಾರ್, ರಾಮಪ್ಪ, ನಾಗರಾಜು, ಉಮೇಶ್‌ ಇದ್ದರು.