ತುಮಕೂರು | ಉಪ ಚುನಾವಣೆ: 6 ಸದಸ್ಯರ ಆಯ್ಕೆ

ಪಾವಗಡ: ತಾಲ್ಲೂಕಿನ ಆರು ಗ್ರಾಮ ಪಂಚಾಯಿತಿಗಳ ಆರು ಕ್ಷೇತ್ರಗಳಿಗೆ ನಡೆದಿದ್ದ ಚುನಾವಣೆಯ ಫಲಿತಾಂಶ ಮಂಗಳವಾರ ಪ್ರಕಟಿಸಲಾಗಿದೆ.

ತೆರವಾದ ಗ್ರಾಮ ಪಂಚಾಯಿತಿ ಸದಸ್ಯರ ಸ್ಥಾನಕ್ಕೆ ನವೆಂಬರ್ 23ರಂದು ಚುನಾವಣೆ ನಡೆದಿತ್ತು. ಮಂಗಳವಾರ ಪಟ್ಟಣದ ತಹಶೀಲ್ದಾರ್ ಕಚೇರಿಯಲ್ಲಿ ಮತ ಎಣಿಕೆ ನಡೆಸಲಾಯಿತು.

ಬ್ಯಾಡನೂರು ಗ್ರಾಮ ಪಂಚಾಯಿತಿಯ, ಬ್ಯಾಡನೂರು ಗ್ರಾಮದ ಚಂದ್ರಶೇಖರ ಆಚಾರಿ, ಕಾಮನದುರ್ಗ ಗ್ರಾಮ ಪಂಚಾಯಿತಿಯ ಸೂಲನಾಯಕನಹಳ್ಳಿ ಗ್ರಾಮದ ಎಸ್.ಟಿ ನರಸಪ್ಪ, ವದನಕಲ್ಲು ಗ್ರಾಮ ಪಂಚಾಯಿತಿಯ ಕ್ಯಾತಗಾನಹಳ್ಳಿ ಗ್ರಾಮದ ಲಲಿತಾ ಪರಮೇಶ್ವರ್, ಕೊಡಮಡಗು ಗ್ರಾಮ ಪಂಚಾಯಿತಿಯ ಕಡಮಲಕುಂಟೆ ಗ್ರಾಮದ ಹನುಮಂತರಾಯ, ರಂಗಸಮುದ್ರ ಗ್ರಾಮ ಪಂಚಾಯಿತಿಯ, ಬೆಳ್ಳಿ ಬಟ್ಟಲು ಗ್ರಾಮದ ಬಿ.ಆರ್ ಗೋಪಾಲಕೃಷ್ಣ, ತಿರುಮಣಿ ಗ್ರಾಮ ಪಂಚಾಯಿತಿಯ, ತಿರುಮಣಿ ಗ್ರಾಮದ ನರಸಮ್ಮ ಉಪ ಚುನಾವಣೆಯಲ್ಲಿ ಸದಸ್ಯರಾಗಿ ಆಯ್ಕೆಯಾಗಿದ್ದಾರೆ.