ವೀರಶೈವ ಲಿಂಗಾಯತರಿಗೆ ಜೆಡಿಎಸ್‌ನಲ್ಲಿ ಗೌರವ ಇಲ್ಲ: ತುರುವೇಕೆರೆ ಬಿಜೆಪಿ ಅಭ್ಯರ್ಥಿ

ತುರುವೇಕೆರೆ: ’ಜೆಡಿಎಸ್‍ನಲ್ಲಿ ವೀರಶೈವ ಲಿಂಗಾಯತರಿಗೆ ಕಿಂಚಿತ್ತೂ ಗೌರವ ಸಿಗುವುದಿಲ್ಲ. ಆದ್ದರಿಂದ ಯಾರೂ ಕೂಡ ಜೆಡಿಎಸ್‍ ಸೇರುವ ಮನಸ್ಸು ಮಾಡಬಾರದು’ ಬಿಜೆಪಿ ಅಭ್ಯರ್ಥಿ ಜಯರಾಮ್‍ ಎ.ಎಸ್‍ ಸಮುದಾಯದ ಮುಖಂಡರಿಗೆ ಕಿವಿಮಾತು ಹೇಳಿದರು.

ಪಟ್ಟಣದಲ್ಲಿ ವೀರಶೈವ ಲಿಂಗಾಯತ ಮುಖಂಡ ಸೊಪ್ಪಿನಹಳ್ಳಿ ಶಿವಬಸಪ್ಪ ಬಿಜೆಪಿಗೆ ನೀಡಿದ ₹10 ಸಾವಿರ ರೂಪಾಯಿ ಠೇವಣಿ ಹಣ ಸ್ವೀಕರಿಸಿ ಮಾತನಾಡಿದರು.

ಕ್ಷೇತ್ರದಲ್ಲಿ ವೀರಶೈವ ಸಮುದಾಯ ಬಿಜೆಪಿ ಬೆಂಬಲಕ್ಕೆ ನಿಂತಿದೆ. ಮಾಜಿ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಅವರನ್ನು  ಸಮುದಾಯ ಹಿಂಬಾಲಿಸುತ್ತಿದ್ದು ಈ ಬಾರಿ ಗೆಲುವಿಗೆ ಲಿಂಗಾಯತರ ಪಾತ್ರ ಬಹಳ ಮುಖ್ಯ ಎಂದರು.

ತಾಲ್ಲೂಕು ಬಿಜೆಪಿ ಅಧ್ಯಕ್ಷ ಕಲ್ಕರೆ ಮೃತ್ಯುಂಜಯ, ಮಾಜಿ ಅಧ್ಯಕ್ಷ ದುಂಡ ರೇಣುಕಯ್ಯ, ಮುಖಂಡರಾದ ಕಲ್ಲಪ್ಪ, ಕೊಂಡಜ್ಜಿ ವಿಶ್ವನಾಥ್, ಕುಮಾರಸ್ವಾಮಿ, ಟಿ.ಕೆ.ಪ್ರಭಾಕರ್, ಮಂಜುನಾಥ್, ಸೇರಿದಂತೆ ಹಲವಾರು ಮುಖಂಡರು ಇದ್ದರು.