ಸಂಕಾಪುರ: ಸುವರ್ಚಲಾ ಆಂಜನೇಯ ರಥೋತ್ಸವ

ಪಾವಗಡ: ತಾಲ್ಲೂಕಿನ ನಲಿಗಾನಹಳ್ಳಿ ಬಳಿಯ ಸಂಕಾಪುರದಲ್ಲಿ ಜೂನ್ 1ರಂದು ಮಧ್ಯಾಹ್ನ 12ಕ್ಕೆ ಸುವರ್ಚಲಾ ಆಂಜನೇಯ ರಥೋತ್ಸವ ನಡೆಯಲಿದೆ ಎಂದು ದೇಗುಲ ಮುಖ್ಯಸ್ಥ ಎಂ.ಡಿ. ಅನಿಲ್ ಕುಮಾರ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಜಾತ್ರೆ ಪ್ರಯುಕ್ತ ಮೇ 30ಕ್ಕೆ ಕಳಶಪೂಜೆ, ಗಣಪತಿ, ನವಗ್ರಹ ಪೂಜೆ, ದೀಕ್ಷಾ ಹೋಮ, ಗಣಪತಿ ಹೋಮ, ಪವಮಾನ ಹೋಮ, ದತ್ತಾತ್ರೇಯ ಹೋಮ, ಮೂಲ ಮಂತ್ರ ಜಪ, ಏಕಾದಶ ರುದ್ರಾಭಿಷೇಕ, ಎಲೆ ಪೂಜೆ, ಅಲಂಕಾರ ನಡೆಯಲಿದೆ.

31ರಂದು ಲಲಿತಾ ಸಹಸ್ರನಾಮ ಹೋಮ, ದುರ್ಗಾ ಹೋಮ, ಲಲಿತಾ ಸಹಸ್ರನಾಮ ಕುಂಕುಮಾರ್ಚನೆ, ಸುವರ್ಚಲಾ ದೇವಿ ಅಷ್ಟೋತ್ತರ, ಶಾರದಾಂಬೆ ಅಷ್ಟೋತ್ತರ ನಡೆಯಲಿದೆ.