ಅಮೃತ ಸರೋವರದ ಅಂಗಳದಲ್ಲಿ ‘ಯೋಗ’

ತುಮಕೂರು: ಜಿಲ್ಲೆಯ ವಿವಿಧ ಕಡೆಗಳಲ್ಲಿ ನರೇಗಾ ಯೋಜನೆಯಡಿ ಅಭಿವೃದ್ಧಿ ಪಡಿಸಿರುವ ಅಮೃತ ಸರೋವರದ ಅಂಗಳದಲ್ಲಿ ಶುಕ್ರವಾರ ಅಂತರರಾಷ್ಟ್ರೀಯ ಯೋಗ ದಿನ ಆಚರಿಸಲಾಯಿತು.

ತಾಲ್ಲೂಕಿನ ಹರಳೂರು, ಮಧುಗಿರಿ ತಾಲ್ಲೂಕಿನ ಬಿಜವರ, ಗಂಜಲಗುಂಟೆ, ಕೊಡಗದಾಲ, ಚಿನ್ನೇನಹಳ್ಳಿ, ಕೊರಟಗೆರೆಯ ವಡ್ಡಗೆರೆ, ಶಿರಾದ ರತ್ನಸಂದ್ರ, ತುರುವೇಕೆರೆಯ ಮಾದಿಹಳ್ಳಿ, ಚಿಕ್ಕನಾಯಕನಹಳ್ಳಿಯ ದುಗಡಿಹಳ್ಳಿ, ಪಾವಗಡದ ತಿರುಮಣಿ ಗ್ರಾಮ ಪಂಚಾಯಿತಿ ಸೇರಿ ವಿವಿಧ ಕಡೆ ಯೋಗಾಭ್ಯಾಸ ಮಾಡಲಾಯಿತು.

ಸರೋವರದ ಸುತ್ತಮುತ್ತಲಿನ ಶಾಲೆಗಳ ಮಕ್ಕಳು, ಶಿಕ್ಷಕರು, ಸಾರ್ವಜನಿಕರು, ಪಂಚಾಯಿತಿ ಅಧಿಕಾರಿಗಳು ಮತ್ತು ಸಿಬ್ಬಂದಿ ಯೋಗ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.