ಮಧುಗಿರಿ | ಮನೆಯ ಬೀಗ ಒಡೆದು ಚಿನ್ನ, ನಗದು ಕಳ್ಳತನ

ಮಧುಗಿರಿ: ತಾಲ್ಲೂಕಿನ ಸಿದ್ಧಾಪುರ ಗ್ರಾಮದಲ್ಲಿ ಮಂಗಳವಾರ ಮುಂಜಾನೆ ಗಾರೆ ರಂಗಶಾಮಣ್ಣ ಅವರ ಮನೆಯ ಬೀಗ ಒಡೆದ ಕಳ್ಳರು ಬಂಗಾರದ ಒಡವೆ ಮತ್ತು ನಗದು ದೋಚಿ ಪರಾರಿಯಾಗಿದ್ದಾರೆ.

ರಂಗಶಾಮಣ್ಣ ಅವರು ಮನೆಯ ಬೀಗ ಹಾಕಿಕೊಂಡು ಮಹಡಿಯ ಕೋಣೆಯಲ್ಲಿ ಮಲಗಿದ್ದರು. ಇದನ್ನು ಗಮನಿಸಿದ ಕಳ್ಳರು ಬೀಗ ಒಡೆದು ಬೀರುವಿನಲ್ಲಿದ್ದ ₹5 ಸಾವಿರ ಮತ್ತು 20 ಗ್ರಾಂ ಬಂಗಾರದ ಒಡವೆ ದೋಚಿ ಪರಾರಿಯಾಗಿದ್ದಾರೆ. ಇಬ್ಬರು ಮುಸುಕುಧಾರಿಗಳು ದ್ವಿಚಕ್ರ ವಾಹನದಲ್ಲಿ ಮನೆಯ ಬಳಿ ಬಂದಿರುವುದು ಸಿ.ಸಿ. ಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.

ಮಧುಗಿರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.