ಕಾರ್ಕಳ- ಅಪಘಾತ- ಬೈಕ್ ಸವಾರ ಸಾವು

ಕಾರ್ಕಳ: ತಾಲ್ಲೂಕಿನ ಮುಡಾರು ಗ್ರಾಮದ ಮುಡಾರು-ಬಜಗೋಳಿ ಡಾಂಬರು ರಸ್ತೆಯ ದಿಡಿಂಬಿರಿ ಗರಡಿಯ ಎದುರು ಅಪಘಾತದಿಂದ ಪ್ರಜ್ಞಾಹೀನ ಸ್ಥಿತಿಯಲ್ಲಿ ಬಿದ್ದುಕೊಂಡಿದ್ದ ಮೋಟಾರ್ ಸೈಕಲ್ ಸವಾರರೊಬ್ಬರನ್ನು ಕಾರ್ಕಳ ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಿದ್ದು, ಅಲ್ಲಿ ಚಿಕಿತ್ಸೆಗೆ ಸ್ಪಂದಿಸದೆ ಗಾಯಾಳು ಮೃತಪಟ್ಟಿದ್ದಾರೆ.

ಮೃತ ವ್ಯಕ್ತಿ ಮಾಳ ಮಲ್ಲಾರಿನ ಶಿವಕುಮಾರ್ ಎಂಬುದಾಗಿ ತಿಳಿದಿದೆ. ಅಪಘಾತ ಎಸಗಿದ ವಾಹನ ಪರಾರಿಯಾಗಿದೆ ಎಂದು ನವೀನ್ ಎನ್ನುವವರು ಕಾರ್ಕಳ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.