ಕಾರ್ಕಳ | ಮಳೆ ಬಿರುಸು: ಅಲ್ಲಲ್ಲಿ ಹಾನಿ

ಕಾರ್ಕಳ: ತಾಲ್ಲೂಕಿನ ವಿವಿಧೆಡೆ ಮಳೆ ಬಿರುಸಿನಿಂದಾಗಿ ಹಾನಿ ಸಂಭವಿಸಿದೆ.

ತಾಲ್ಲೂಕಿನ ನೀರೆ ಗ್ರಾಮದ ಕಾಲುಸಂಕದ ಅಡಿಯ ಮಣ್ಣು ಸಡಿಲಗೊಂಡು ಸಂಕಕ್ಕೆ ಹಾನಿಯಾಗಿದೆ. ಬೋಳ ಗ್ರಾಮದ ಪಿಲಿಯೂರು ಪದವು ನಿವಾಸಿ ನಾರಾಯಣ ಹರಿಜನ ಅವರ ಮನೆಯ ಚಾವಣಿ ಮಳೆಗೆ ಭಾಗಶಃ ಕುಸಿದು ₹30 ಸಾವಿರ ನಷ್ಟವಾಗಿದೆ.

ಕಣಜಾರು ಗ್ರಾಮದ ಕಲ್ಯಾಣಿ ಅವರ ಮನೆ ಮೇಲೆ ಮರ ಬಿದ್ದು ಹಾನಿಯಾಗಿ ₹30 ಸಾವಿರ ನಷ್ಟ, ಈದು ಗ್ರಾಮ ನಿವಾಸಿ ಲಲಿತಾ ಅವರ ಅಡಿಕೆ ಕೃಷಿಗೆ ಹಾನಿಯಾಗಿ ₹22 ಸಾವಿರ ನಷ್ಟವಾಗಿದೆ.