SSLC Result 2024 | ಬ್ರಹ್ಮಾವರ: 29 ಪ್ರೌಢಶಾಲೆಗಳಿಗೆ ಶೇ 100 ಫಲಿತಾಂಶ

ಬ್ರಹ್ಮಾವರ: ಕ್ಷೇತ್ರ ಶಿಕ್ಷಣಾಧಿಕಾರಿಗಳ ಕಚೇರಿ ವಲಯದ 59 ಪ್ರೌಢಶಾಲೆಗಳ ಪೈಕಿ 29 ಶಾಲೆಗಳು ಶೇ 100 ಫಲಿತಾಂಶ ಪಡೆದು ದಾಖಲೆ ಸೃಷಿಸಿವೆ.

ವಲಯದಿಂದ 2,806 ವಿದ್ಯಾರ್ಥಿಗಳು ಪರೀಕ್ಷೆ ಬರೆದಿದ್ದು, 2,643 ವಿದ್ಯಾರ್ಥಿಗಳು ಉತ್ತೀರ್ಣರಾಗಿದ್ದಾರೆ. 10 ಸರ್ಕಾರಿ, 9 ಅನುದಾನಿತ, 10 ಅನುದಾನ ರಹಿತ ಪ್ರೌಢಶಾಲೆಗಳು ಶೇ 100 ಫಲಿತಾಂಶ ದಾಖಲಿಸಿದ್ದು, ಶೇ 94.82 ಫಲಿತಾಂಶ ದಾಖಲಾಗಿದೆ.

ಕೋಟ ವಿವೇಕ ಆಂಗ್ಲಮಾಧ್ಯಮ ಪ್ರೌಢಶಾಲೆ ಶೇ 100: ಪರೀಕ್ಷೆಗೆ ಹಾಜರಾದ ಕೋಟ ವಿವೇಕ ಆಂಗ್ಲಮಾಧ್ಯಮ ಪ್ರೌಢಶಾಲೆಯ 135 ವಿದ್ಯಾರ್ಥಿಗಳಲ್ಲಿ 8 ಮಂದಿ 600ಕ್ಕಿಂತ ಅಧಿಕ ಅಂಕ ಪಡೆದಿದ್ದಾರೆ. 55 ಮಂದಿ ವಿಶಿಷ್ಟ ಶ್ರೇಣಿಯಲ್ಲಿ ಉತ್ತೀರ್ಣರಾಗಿದ್ದಾರೆ.

ಶರ್ಮದಾ 616), ಅವನಿ ಪಿ. ತೋಳಾರ್ 615, ಆಕಾಶ್ ಕೆ.ವಿ.ಹೊಳ್ಳ 607, ಸಿಂಚನಾ ಎನ್.ಪೂಜಾರಿ 607, ಶ್ರೀಕಾಂತ್ ಉಡುಪ 605, ಸಾತ್ವಿಕ ಶ್ರೀಯಾನ್ 604, ಶರಧಿ 600, ಶಿಫಾಲಿ ಎಸ್. 600 ಅಂಕ ಗಳಿಸಿದ್ದಾರೆ.

ವಿವೇಕ ಬಾಲಕಿಯರ ಪ್ರೌಢಶಾಲೆಗೆ ಶೇ 100 ಫಲಿತಾಂಶ: ಕೋಟದ ವಿವೇಕ ಬಾಲಕಿಯರ ಫ್ರೌಡಶಾಲೆಯ ಪರೀಕ್ಷೆ ಬರೆದ 70 ವಿದ್ಯಾರ್ಥಿನಿಯರಲ್ಲಿ ಎಲ್ಲರೂ ತೇರ್ಗಡೆಯಾಗಿ ಶೇ 100 ಫಲಿತಾಂಶ ಬಂದಿತದೆ. ವೈಷ್ಣವಿ 589 ಅಂಕ ಗಳಿಸಿ ಶಾಲೆಗೆ ಪ್ರಥಮ ಸ್ಥಾನ ಪಡೆದಿದ್ದಾರೆ.