ವಿಡಿಯೊ | ತೆಂಗಿನಗರಿ ಬಳಸಿ ಹಾವು ಹಿಡಿದ ಪೇಜಾವರ ಮಠದ ಸ್ವಾಮೀಜಿ

ಉಡುಪಿ: ಪೇಜಾವರ ಮಠದ ವಿಶ್ವಪ್ರಸನ್ನ ತೀರ್ಥ ಸ್ವಾಮೀಜಿ ಹಸಿ ತೆಂಗಿನಗರಿ ಬಳಸಿ ಸುಲಭವಾಗಿ ಹಾವು ಹಿಡಿಯುವುದನ್ನು ತೋರಿಸಿರುವ ವಿಡಿಯೊ ಜಾಲತಾಣಗಳಲ್ಲಿ ಸುದ್ದಿಯಾಗಿದೆ.

ಸದ್ಯ ನೀಲಾವರ ಗೋಶಾಲೆಯಲ್ಲಿ ಚಾತುರ್ಮಾಸ್ಯ ಆಚರಣೆಯಲ್ಲಿರುವ ಶ್ರೀಗಳು ಮಠದ ಪುಷ್ಕರಣಿ ಬಳಿ ಬಂದ ಹಾವನ್ನು ತೆಂಗಿನಗರಿಯಿಂದ ಹಿಡಿದು ಸುರಕ್ಷಿತ ಸ್ಥಳಕ್ಕೆ ಬಿಟ್ಟಿದ್ದಾರೆ.

ಹಾವಿಗೆ ತೊಂದರೆಯಾಗದಂತೆ ಹೇಗೆ ಹಿಡಿಯುವುದು ಎಂಬುದನ್ನು ವಿಡಿಯೊದಲ್ಲಿ ವಿವರಿಸಿದ್ದಾರೆ.