ಉಡು‍ಪಿ: ಕೃಷ್ಣ ಮಠಕ್ಕೆ ಜೂನಿಯರ್ ಎನ್‌ಟಿಆರ್‌, ರಿಷಬ್ ಶೆಟ್ಟಿ ಭೇಟಿ

ಉಡುಪಿ: ತೆಲುಗು ನಟ ಜೂನಿಯರ್‌ ಎನ್‌ಟಿಆರ್, ನಟ ರಿಷಬ್ ಶೆಟ್ಟಿ ಹಾಗೂ ನಿರ್ದೇಶಕ ಪ್ರಶಾಂತ್‌ ನೀಲ್ ಅವರು ಶನಿವಾರ ಉಡುಪಿಯ ಶ್ರೀಕೃಷ್ಣ ಮಠಕ್ಕೆ ಭೇಟಿ ನೀಡಿದರು.

ದೇಗುಲಕ್ಕೆ ಭೇಟಿ ನೀಡಿ ದೇವರ ದರ್ಶನ ಪಡೆದ ಬಳಿಕ ಪರ್ಯಾಯ ಪುತ್ತಿಗೆ ಮಠದ ಸುಗುಣೇಂದ್ರ ತೀರ್ಥ ಸ್ವಾಮೀಜಿ ಅವರನ್ನು ಭೇಟಿಯಾಗಿ ಆಶೀರ್ವಾದ ಪಡೆದರು.

ಈ ವೇಳೆ ಮಾಧ್ಯಮದವರೊಂದಿಗೆ ಮಾತನಾಡಿದ ಜ್ಯೂನಿಯರ್‌ ಎನ್‌ಟಿಆರ್, ಕೃಷ್ಣಮಠಕ್ಕೆ ಭೇಟಿ ನೀಡಬೇಕೆಂಬ ಆಸೆ ಅಮ್ಮನಿಗೆ 40 ವರ್ಷದಿಂದ ಇತ್ತು. ಅವರ ಆಸೆ ಇಂದು ಈಡೇರಿದೆ ಎಂದರು.