ಸಿಡಿಲು ಬಡಿದು ಬಾಲಕ ಸಾವು

ಶಿರಸಿ: ತಾಲ್ಲೂಕಿನ ಬನವಾಸಿಯಲ್ಲಿ ಜಯಂತಿ ಪ್ರೌಢಶಾಲೆ ಸಮೀಪ ಶನಿವಾರ ಸಂಜೆ ಕ್ರಿಕೆಟ್‌ ಆಡುವಾಗ, ಸಿಡಿಲು ಬಡಿದು ಸಾಜಿದ್ ಅಷ್ಪಾಕ್ ಅಲಿ ಶೇಖ್ (17) ಎಂಬ ಬಾಲಕ ಮೃತಪಟ್ಟಿದ್ದಾನೆ.

‘ಸಿಡಿಲಿನ ಅಬ್ಬರಕ್ಕೆ ಹೆದರಿ ಸ್ನೇಹಿತರು ಓಡಿದರು. ಸಾಜಿದ್ ಅಲ್ಲಿಯೇ ಕುಸಿದು ಬಿದ್ದ. ಆತನನ್ನು ತಕ್ಷಣವೇ ಶಿರಸಿಯ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಆತ ಮೃತಪಟ್ಟಿರುವುದನ್ನು ವೈದ್ಯರು ದೃಢಪಡಿಸಿದರು’ ಎಂದು ಬನವಾಸಿ ಠಾಣೆ ಪೊಲೀಸರು ತಿಳಿಸಿದ್ದಾರೆ.