ಕಾರವಾರ | ಬೆಂಕಿ ಅವಘಡ: ಮಲೇಶಿಯಾದ ಹಡಗು ರಕ್ಷಣೆ

ಕಾರವಾರ: ಇಲ್ಲಿಗೆ ಅರಬ್ಬಿ ಸಮುದ್ರದ 50 ನಾಟಿಕಲ್ ಮೈಲಿ ದೂರದಲ್ಲಿ ಶುಕ್ರವಾರ ಬೆಂಕಿ ಅವಘಡಕ್ಕೆ ತುತ್ತಾಗಿದ್ದ ಮಲೇಶಿಯಾದ ಮಾರ್ಸ್ಕ್ ಫ್ರಾಂಕ್‌ಫರ್ಟ್‌ ಸರಕು ಸಾಗಣೆ ಹಡಗನ್ನು ಭಾರತೀಯ ಕರಾವಳಿ ಕಾವಲು ಪಡೆ ರಕ್ಷಿಸಿದೆ.

ಗುಜರಾತ್‍ನ ಮುಂದ್ರಾ ಬಂದರಿನಿಂದ ಶ್ರೀಲಂಕಾದ ಕೊಲಂಬೊಕ್ಕೆ ಪ್ರಯಾಣಿಸುತ್ತಿದ್ದ ಹಡಗಿನಲ್ಲಿ 1,154 ಕಂಟೈನರ್‌ ನಲ್ಲಿ ಬೆಂಜೀನ್ ಮತ್ತು ಸೋಡಿಯಂ ಸೈನೇಟ್‌ನಂತಹ ಅಪಾಯಕಾರಿ ಸರಕುಗಳಿದ್ದವು ಎಂದು ತಟರಕ್ಷಕ ಪಡೆ ತಿಳಿಸಿದೆ.

‘ಶುಕ್ರವಾರ ಮಧ್ಯಾಹ್ನ 2.10ರ ಸುಮಾರಿಗೆ ಹಡಗಿನಲ್ಲಿ ಬೆಂಕಿ ಕಾಣಿಸಿಕೊಂಡ ಬಗ್ಗೆ ಮಾಹಿತಿ ಬಂತು.

ಕಾರ್ಯಾಚರಣೆಗೆ ಮೊದಲು ‘ಸಚೇತ್’ ಹಡಗು ಬಳಸಲಾಯಿತು. ನಂತರ ‘ಸುಜೀತ್’ ಮತ್ತು ‘ಸಾಮ್ರಾಟ್’ ಹಡಗು ಬಳಸಿ ಕಾರ್ಯಾರಣೆ ಮುಂದುವರೆಸಿದೆವು ಎಂದು’ ತಟರಕ್ಷಕ ಪಡೆಯು ‘ಎಕ್ಸ್’ನಲ್ಲಿ ಹಂಚಿಕೊಂಡ ಪೋಸ್ಟ್‌ನಲ್ಲಿ ತಿಳಿಸಿದೆ.