ಸಿಎಂ ಸಿದ್ದರಾಮಯ್ಯಗೆ ಸಂಸ್ಕೃತಿ ಶಬ್ದದ ಅರಿವಾಗಿದ್ದು ಸಂತೋಷ: ಅನಂತಕುಮಾರ ಹೆಗಡೆ

ಶಿರಸಿ: ‘ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರಿಗೆ ಸಂಸ್ಕೃತಿ ಶಬ್ದದ ಅರಿವು ಈಗಲಾದರೂ ಆಗಿದ್ದು ಸಂತೋಷ’ ಎಂದು ಸಂಸದ ಅನಂತಕುಮಾರ ಹೆಗಡೆ ಹೇಳಿದರು.

'ಸಂಸ್ಕೃತಿ ರಹಿತ ಅನಂತಕುಮಾರ' ಎಂಬ ಸಿಎಂ ಸಿದ್ದರಾಮಯ್ಯ ಅವರ ಹೇಳಿಕೆಗೆ ಭಾನುವಾರ ಮಾಧ್ಯಮಗಳಿಗೆ ಪ್ರತಿಕ್ರಿಸಿದ ಅವರು, ‘ನನ್ನ ಹೇಳಿಕೆ ಕುರಿತು ಕಾಂಗ್ರೆಸ್ ನಾಯಕರು ತೀಕ್ಷ್ಣ ಪ್ರತಿಕ್ರಿಯೆ ನೀಡುತ್ತಿದ್ದಾರೆ. ಅದಕ್ಕೆ ಸ್ವಾಗತವಿದೆ’ ಎಂದರು.

‘ಕುಮಟಾದ ಸಭೆಯಲ್ಲಿ ತಮ್ಮ ಹೇಳಿಕೆ ಕುರಿತಂತೆ ಕುಮಟಾ ಠಾಣೆಯಲ್ಲಿ ಸ್ವಯಂ ಪ್ರೇರಿತವಾಗಿ ಪ್ರಕರಣ ದಾಖಲಾಗಿರುವ ಬಗ್ಗೆ, ನನಗಿನ್ನೂ ತಿಳಿದಿಲ್ಲ. ತಿಳಿದು ಪ್ರತಿಕ್ರಿಯಿಸುವೆ’ ಎಂದರು.