ವಿದ್ಯುತ್ ಕಂಬದ ಜಿಓಎಸ್. ಕಳವು

ದಾಂಡೇಲಿ: ನಗರದ ಮೂರು ಕಡೆ ವಿದ್ಯುತ್‌ ಕಂಬದ ಜಿ.ಒ.ಎಸ್ ಉಪಕರಣಗಳನ್ನು ಕಳವು ಮಾಡಲಾಗಿದೆ.

ನಗರದ ಐ.ಪಿ.ಎಂ,ಹಳೆದಾಂಡೇಲಿ ಮತ್ತು ಕೋಗಿಲಬನದಲ್ಲಿ ವಿದ್ಯುತ್ ಕಂಬಕ್ಕೆ ಅಳವಡಿಸಿರುವ ಜಿ.ಒ.ಎಸ್.ಉಪಕರಣಗಳು ಕಳ್ಳತನವಾಗಿವೆ. ಈ ಬಗ್ಗೆ ದಾಂಡೇಲಿ ನಗರ ಠಾಣೆಗೆ ದೂರು ನೀಡುವುದಾಗಿ  ಹೆಸ್ಕಾಂ ಸಹಾಯಕ ಕಾರ್ಯನಿರ್ವಾಹಕ ಎಂಜಿನಿಯರ್‌ ದೀಪಕ ನಾಯಕ ಶನಿವಾರ ತಿಳಿಸಿದ್ದಾರೆ.

ಇಂತಹ ಚಟುವಟಿಕೆಗಳು ನಡೆಯದಂತೆ ಕ್ಯಾಮೆರಾ ಅಳವಡಿಕೆಗೂ ಇಲಾಖೆ ಅಗತ್ಯ ಕ್ರಮಕೈಗೊಳ್ಳಲಿದೆ.  ಸಾರ್ವಜನಿಕರು ಇಲಾಖೆ ಜತೆ ಸಹಕರಿಸಬೇಕು ಎಂದು ತಿಳಿಸಿದ್ದಾರೆ.