ಅಕ್ರಮ ಸಾಗಣೆ:ಗೋವಾ ಮದ್ಯ ವಶ

ಜೊಯಿಡಾ: ಗೋವಾದಿಂದ ಅಕ್ರಮವಾಗಿ ವಾಹನದಲ್ಲಿ ಸಾಗಿಸುತ್ತಿದ್ದ ಗೋವಾ ಮದ್ಯವನ್ನು ಅಬಕಾರಿ ಸಿಬ್ಬಂದಿ ವಶಪಡಿಸಿಕೊಂಡಿದ್ದಾರೆ. ಜೊಯಿಡಾ ತಾಲ್ಲೂಕಿನ ಅನಮೋಡ ಅಬಕಾರಿ ಠಾಣೆಯಲ್ಲಿ ಖಚಿತ ಮಾಹಿತಿ ಮೇರೆಗೆ ಕಾರ್ಯಾಚರಣೆ ನಡೆಸಿ ವಾಹನ, ಸುಮಾರು ₹3 ಲಕ್ಷ ಮೌಲ್ಯದ 63 ಲೀಟರ್‌ ಮದ್ಯ ವಶಪಡಿಸಿಕೊಂಡು, ಆಂಧ್ರಪ್ರದೇಶ ಮೂಲದ ವಾಹನ ಚಾಲಕ ಸುದಾ ನರೇಶ್ ಎಂಬಾತನನ್ನು ಬಂಧಿಸಲಾಗಿದೆ.

ಅಬಕಾರಿ ಉಪ ನಿರೀಕ್ಷಕ ಶ್ರೀಕಾಂತ್ ಅಸೋದೆ, ಅಬಕಾರಿ ಸಿಬ್ಬಂದಿ ರಾಜು ಭಟ್ಕಳ್, ಉಳವಪ್ಪ ತುಳಸಿ ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದರು.