ಗೋಕರ್ಣ | ಸೈಬರ್ ವಂಚನೆ: ಬ್ಯಾಂಕ್ ಖಾತೆಯಲ್ಲಿದ್ದ ₹4.83 ಲಕ್ಷ ದೋಚಿದ ಕಳ್ಳರು

ಗೋಕರ್ಣ: ಇಲ್ಲಿಯ ಮೇಲಿನಕೇರಿಯ ನಿವಾಸಿ ಭದ್ರಕಾಳಿ ಮೋಟರ್ಸ್ ಶೋ ರೂಂ ಮಾಲೀಕ ಕೃಷ್ಣಾನಂದ ಶಿವಾನಂದ ಗೌಡ ಅವರ ಕೆನರಾ ಬ್ಯಾಂಕ್‌ನ ಚಾಲ್ತಿ ಖಾತೆಯಲ್ಲಿದ್ದ ಒಟ್ಟು ₹4.83 ಲಕ್ಷ ಹಣಕ್ಕೆ ಸೈಬರ್ ಕಳ್ಳರು ಕನ್ನ ಹಾಕಿದ್ದಾರೆ ಎಂದು ಗೋಕರ್ಣ ಪೊಲೀಸ್ ಠಾಣೆಯಲ್ಲಿ ಸೋಮವಾರ ದೂರು ದಾಖಲಾಗಿದೆ.

ಇಂಟರ್‌ನೆಟ್ ಬ್ಯಾಂಕಿಂಗ್ ಮೂಲಕ ವ್ಯವಹಾರ ನಡೆಸುತ್ತಿದ್ದ ಕೃಷ್ಣಾನಂದ ಗೌಡ ಈ ಬಗ್ಗೆ ದೂರು ದಾಖಲಿಸಿದ್ದಾರೆ. ಪ್ರಕರಣ ಕಳೆೆದ ಅಕ್ಟೋಬರ್‌ನಲ್ಲಿಯೇ ನಡೆದಿದ್ದು, ಬ್ಯಾಂಕ್ ವ್ಯವಸ್ಥಾಪಕರಿಗೆ ತಿಳಿಸಿದರೂ ಹಣ ದೋಚಿದವರು ಯಾರು ಎಂದು ಪತ್ತೆ ಮಾಡಲು ಸಾಧ್ಯವಾಗಿಲ್ಲ ಎಂದು ಕೃಷ್ಣಾನಂದ ಗೌಡ ದೂರಿನಲ್ಲಿ ತಿಳಿಸಿದ್ದಾರೆ.