‘ಕೈಗಾ’ಕ್ಕೆ ಉನ್ನತಾ ಸುರಕ್ಷಾ ಪುರಸ್ಕಾರ

ಕಾರವಾರ: ಕೈಗಾ ಅಣು ವಿದ್ಯುತ್ ಉತ್ಪಾದನಾ ಕೇಂದ್ರದ ಘಟಕಗಳಿಗೆ ಒಂದರಿಂದ ನಾಲ್ಕು ಘಟಕಗಳಿಗೆ ರಾಷ್ಟ್ರೀಯ ಸುರಕ್ಷಾ ಮಂಡಳಿಯ ಕರ್ನಾಟಕ ವಿಭಾಗವು ‘ಉನ್ನತಾ ಸುರಕ್ಷಾ ಪುರಸ್ಕಾರ – 2021’ ಪ್ರದಾನ ಮಾಡಿದೆ.

ಬೆಂಗಳೂರಿನಲ್ಲಿ ಈಚೆಗೆ ನಡೆದ ಸಮಾರಂಭದಲ್ಲಿ ಅಣು ವಿದ್ಯುತ್ ಉತ್ಪಾದನಾ ಕೇಂದ್ರದ 3 ಮತ್ತು 4 ಘಟಕಗಳ ನಿರ್ದೇಶಕ ಟಿ.ಪ್ರೇಮಕುಮಾರ, 1 ಮತ್ತು 2 ಘಟಕಗಳ ನಿರ್ದೇಶಕ ಪ್ರಮೋದ ಜಿ.ರಾಯಚೂರ ಸ್ವೀಕರಿಸಿದರು. ಸುರಕ್ಷಾ ವಿಭಾಗ ಪ್ರಮುಖರಾದ ಜಯಪ್ರಕಾಶ್ ಹೆಗಡೆ ಮತ್ತು ಮೈಕೆಲ್ ಟೋಮಿ, ಕೈಗಾ ನೌಕರರ ಸಂಘದ ಅಧ್ಯಕ್ಷ ಸುಮಂತ್ ಹೆಬ್ಳೇಕರ್, ನೌಕರರ ಸಂಘದ ಜತೆ ಕಾರ್ಯದರ್ಶಿ ವಿಜಯಕುಮಾರ ಇದ್ದರು.