ಮುಂಡಗೋಡ: ಹಿರಿಯ ಬೌದ್ಧ ಧರ್ಮಗುರು ಎಲ್.ಟಿ. ಡೊಬೂಮ್ ತಲ್ಕು (82) ಆರು ದಿನಗಳ ಹಿಂದೆ ನಿಧನರಾಗಿದ್ದು, ಅವರ ಅಂತ್ಯಕ್ರಿಯೆ ಭಾನುವಾರ ತಾಲ್ಲೂಕಿನ ಟಿಬೆಟಿಯನ್ ಕ್ಯಾಂಪ್ ನಂ.2ರ ಲೋಸಲಿಂಗ್ ಬೌದ್ಧ ಮಂದಿರದ ಆವರಣದಲ್ಲಿ ನಡೆಯಿತು.
ಚೀನಾ ಆಕ್ರಮಣದಿಂದ ಟಿಬೆಟ್ ತೊರೆದು ಭಾರತಕ್ಕೆ ತಮ್ಮ 17ನೇ ವಯಸ್ಸಿನಲ್ಲಿಯೇ ಅವರು ಬಂದಿದ್ದರು. 1972ರಲ್ಲಿ ಬೌದ್ಧ ತತ್ವಶಾಸ್ತ್ರದಲ್ಲಿ ಗೆಶೆ ಆಚಾರ್ಯ ಪದವಿ ಪಡೆದುಕೊಂಡಿದ್ದರು. ದೆಹಲಿಯ ಟಿಬೆಟ್ ಹೌಸ್ ನಿರ್ದೇಶಕರಾಗಿ 30 ವರ್ಷಗಳಿಂದ ಕೆಲಸ ಮಾಡಿದ್ದರು. ಬೌದ್ಧ ಧರ್ಮೀಯರೆ ಪರಮೋಚ್ಛ ನಾಯಕ ದಲೈಲಾಮಾ ಅವರ ಜೊತೆಗೆ ನಿಕಟ ಸಂಪರ್ಕ ಹೊಂದಿದ್ದರು. ಕಾಂಗ್ರೆಸ್ ಪಕ್ಷದ ನಾಯಕಿ ಪ್ರಿಯಾಂಕಾ ಗಾಂಧಿ ವಾದ್ರಾ ಅವರಿಗೆ ಬೌದ್ಧಧರ್ಮದ ಕುರಿತು ಬೋಧನೆ ಮಾಡಿದ್ದರು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.