ಸಿದ್ದಾಪುರ | ರಸ್ತೆ ಕುಸಿತ: ಸಂಚಾರಕ್ಕೆ ತೊಂದರೆ

ಸಿದ್ದಾಪುರ: ತಾಲ್ಲೂಕಿನಲ್ಲಿ ನಿರಂತರವಾಗಿ ಸುರಿಯುತ್ತಿರುವ ಮಳೆಯಿಂದ ಹಸ್ರಗೋಡ ಪಂಚಾಯಿತಿ ವ್ಯಾಪ್ತಿಯ ಗೌರಿಬಣ್ಣಿಗೆ ಊರಿಗೆ ತೆರಳುವ ರಸ್ತೆ ಕುಸಿದಿದೆ.

ಊರಿನ ಎದುರು ಹರಿಯುವ ಹಳ್ಳದಲ್ಲಿ ನೆರೆಯುಂಟಾಗಿ ಎತ್ತರದ ಧರೆ ಜರಿದು ಊರಿನ ಮನೆಗಳ ಹತ್ತಿರ ಡಾಂಬರು ರಸ್ತೆ ಕುಸಿದಿದೆ. ಇದರಿಂದ ಊರಿನ ಜನ, ಜಾನುವಾರು ಓಡಾಡಲು ಮತ್ತು ವಾಹನ ಸಂಚಾರಕ್ಕೆ ಅಡಚಣೆ ಉಂಟಾಗಿದೆ. ಸ್ಥಳೀಯ ಪಂಚಾಯಿತಿ ಮತ್ತು ತಾಲ್ಲೂಕುಮಟ್ಟದ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಕ್ರಮ ಕೈಗೊಂಡು ಊರಿನ ರಸ್ತೆ ಉಳಿಸಿ ಕೊಡಬೇಕೆಂದು ಗ್ರಾಮಸ್ಥರು ಆಗ್ರಹಿಸಿದ್ದಾರೆ.