ಹೊನ್ನಾವರ | ಸರಣಿ ಕಳವು: ದೂರು ದಾಖಲು

ಹೊನ್ನಾವರ: ತಾಲ್ಲೂಕಿನ ಹೆರಂಗಡಿ ಗ್ರಾಮದ ಹೊಸ್ಕೇರಿಹೊಂಡ ಮಜರೆಯಲ್ಲಿ ನ.14ರಿಂದ 16ರ ನಡುವಿನ ಅವಧಿಯಲ್ಲಿ ಎರಡು ಮನೆಗಳಲ್ಲಿ ಕಳ್ಳತನ ನಡೆದಿರುವ ಕುರಿತು ಇಲ್ಲಿನ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.

ಮಹ್ಮದ್ ಹುಸೇನ್ ಖಾಲಿದ್ ಖುವರ್ ಅವರ ಮನೆಯಲ್ಲಿ ₹8.95 ಲಕ್ಷ ಮೌಲ್ಯದ 184 ಗ್ರಾಂ  ವಿವಿಧ ಬಂಗಾರದ ಆಭರಣಗಳು ಹಾಗೂ ₹35 ಸಾವಿರ ನಗದು ಕಳವಾಗಿದ್ದರೆ, ಮಹ್ಮದ್ ಗೌಸ್ ಮಹ್ಮದ್ ಪಕ್ಕಿತಾಯಾ ಅವರ ಮನೆಯಲ್ಲಿ ₹1.25 ಲಕ್ಷ ಬೆಲೆಯ ಚಿನ್ನದ ಆಭರಣ ಕಳ್ಳತನವಾಗಿದೆ.

ಮನೆಯಲ್ಲಿ ಯಾರೂ ಇಲ್ಲದ ಸಂದರ್ಭದಲ್ಲಿ ಕಳವು ನಡೆದಿದೆ. ಅಪರಾಧ ವಿಭಾಗದ ಪಿಎಸ್ಐ ರಾಜಶೇಖರ ಮಂದಲಿ ಅವರ ನೇತೃತ್ವದ ಪೊಲೀಸ್ ತಂಡ ಸ್ಥಳಕ್ಕೆ ಭೇಟಿ ನೀಡಿದ್ದು ಕಳ್ಳರ ಪತ್ತೆ ಕಾರ್ಯ ನಡೆದಿದೆ’ ಎಂದು ಪೊಲೀಸರು ತಿಳಿಸಿದ್ದಾರೆ.