ವಿಜಯನಗರ: ಕೊಟ್ಟೂರೇಶ್ವರ ಕಾಲೇಜಿಗೆ 3 ರ‍್ಯಾಂಕ್

ಕೊಟ್ಟೂರು: ಬಳ್ಳಾರಿಯ ವಿಜಯನಗರ ಶ್ರೀಕೃಷ್ಣ ದೇವರಾಯ ವಿಶ್ವವಿದ್ಯಾಲಯ ನಡೆಸಿದ ಕಳೆದ ಶೈಕ್ಷಣಿಕ ಸಾಲಿನ ಪದವಿ ಪರೀಕ್ಷೆಯಲ್ಲಿ ಪಟ್ಟಣದ ಕೊಟ್ಟೂರೇಶ್ವರ ಕಾಲೇಜಿನ ವಿಜ್ಞಾನ ವಿಭಾಗದ ಮೂವರು ವಿದ್ಯಾರ್ಥಿನಿಯರು ಉತ್ತಮ ರ‍್ಯಾಂಕ್ ಪಡೆದಿದ್ದಾರೆ.

ಕೆ.ದೀಪಾ ಶೇ 93.94 ಅಂಕ ಪಡೆದು 2ನೇ ರ‍್ಯಾಂಕ್, ಎನ್.ಎಸ್.ಸಾಧನ ಶೇ 93.60 ಅಂಕ ಗಳಿಸಿ 3ನೇ ರ‍್ಯಾಂಕ್ ಹಾಗೂ ಪಿ. ಕ್ಷಮ ಶೇ 92.62 ಅಂಕ ಪಡೆದು 5ನೇ ರ‍್ಯಾಂಕ್ ಪಡೆದಿದ್ದಾರೆ ಎಂದು ಕಾಲೇಜು ಆಡಳಿತ ಮಂಡಳಿ ಅಧ್ಯಕ್ಷ ಸಿದ್ಧರಾಮ ಕಲ್ಮಠ ಹಾಗೂ ಪ್ರಾಂಶುಪಾಲ ಡಾ.ಎಂ.ರವಿಕುಮಾರ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.