ತುಂಗಭದ್ರಾ ಜಲಾಶಯಕ್ಕೆ ಬಾಗಿನಕ್ಕೆ ಕ್ಷಣಗಣನೆ:MLA ಗವಿಯಪ್ಪ,ಬೆಂಬಲಿಗರಿಗೆ ನಿರ್ಬಂಧ

ಹೊಸಪೇಟೆ (ವಿಜಯನಗರ): ತುಂಗಭದ್ರಾ ಜಲಾಶಯಕ್ಕೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಬಾಗಿನ ಅರ್ಪಿಸಲು ಕ್ಷಣಗಣನೆ ಆರಂಭವಾಗಿರುವಂತೆಯೇ ಶಾಸಕ ಎಚ್.ಆರ್. ಗವಿಯಪ್ಪ ಅವರು ತಮ್ಮ ಬೆಂಬಲಿಗರೊಂದಿಗೆ ಸ್ಥಳದಿಂದ ಹೊರನಡೆದರು.

ಟಿ.ಬಿ.ಡ್ಯಾಂ ಗೇಟ್‌ನಲ್ಲಿ ಭಾನುವಾರ ಬೆಳಿಗ್ಗೆ ಮೊದಲಿಗೆ ಶಾಸಕ ಗವಿಯಪ್ಪ ಅವರ ವಾಹನವನ್ನು ಮಾತ್ರ ಬಿಡಲಾಗಿತ್ತು. ಅವರ ಹಿಂಬಾಲಕರು, ರೈತರ ವಾಹನವನ್ನು ತಡೆಹಿಡಿಯಲಾಗಿತ್ತು. ಇದರಿಂದ ಕುಪಿತಗೊಂಡ ಶಾಸಕರು, ಅವರ ಹಿಂಬಾಲಕರ ವಾಹನಗಳನ್ನು ಒಳಕ್ಕೆ ಬಿಡಿಸಲು ವಾಪಸ್ ಗೇಟ್‌ನತ್ತ ಬಂದರು.

ಪೊಲೀಸ್ ಅಧಿಕಾರಿಗಳು ಪಟ್ಟು ಸಡಿಲಿಸದ ಹಿನ್ನೆಲೆಯಲ್ಲಿ ಶಾಸಕರು, ತಮ್ಮ ಬೆಂಬಲಿಗರೊಂದಿಗೆ ಬಾಗಿನ ಅರ್ಪಿಸುವ ಕಾರ್ಯಕ್ರಮ ಸ್ಥಳಕ್ಕೆ ಹೋಗದೇ ಹೊರನಡೆದರು.

ಸದ್ಯ ಶಾಸಕರು ತಮ್ಮ ಕಚೇರಿಯಲ್ಲೇ ಉಳಿದಿದ್ದು, ಸಿಎಂ, ಡಿಸಿಎಂ ಬರುವ ಹೊತ್ತಿಗೆ ಅಣೆಕಟ್ಟೆಯತ್ತ ಬರುತ್ತಾರೆಯೇ ಎಂಬ ಕುತೂಹಲ ನೆಲೆಸಿದೆ.