ಬಿ.ಇಡಿಯಲ್ಲಿ ಚೈತ್ರಾ 5ನೇ ರ್‍ಯಾಂಕ್‌

ಹೊಸಪೇಟೆ (ವಿಜಯನಗರ): 2021–22ನೇ ಸಾಲಿನ ಬಿ.ಇಡಿ ಪರೀಕ್ಷೆಯಲ್ಲಿ ನಗರದ ಷಾ ಭವರಲಾಲ್‌ ಬಾಬುಲಾಲ್‌ ನಾಹರ್‌ ಕಾಲೇಜಿನ (ಎಸ್‌ಬಿಬಿಎನ್‌) ವಿದ್ಯಾರ್ಥಿನಿ ಚೈತ್ರಾ ಡಿ.ಎಂ. ಅವರು ಬಳ್ಳಾರಿಯ ವಿಜಯನಗರ ಶ್ರೀಕೃಷ್ಣದೇವರಾಯ ವಿಶ್ವವಿದ್ಯಾಲಯಕ್ಕೆ ಐದನೇ ರ್‍ಯಾಂಕ್‌ ಗಳಿಸಿದ್ದಾರೆ.

ಚೈತ್ರಾ ಅವರು ಶೇ 87.50 ಅಂಕ ಗಳಿಸಿದ್ದಾರೆ. ವಿದ್ಯಾರ್ಥಿನಿಯ ಸಾಧನೆಗೆ ವೀರಶೈವ ವಿದ್ಯಾವರ್ಧಕ ಸಂಘದ ಅಧ್ಯಕ್ಷ ಎಚ್‌.ಎಂ. ಗುರುಸಿದ್ದಸ್ವಾಮಿ, ಕಾರ್ಯದರ್ಶಿ ಬಿ.ವಿ. ಬಸವರಾಜ, ಕಾಲೇಜಿನ ಆಡಳಿತ ಮಂಡಳಿ ಅಧ್ಯಕ್ಷ ಕರಿಬಸವರಾಜ ಬಾದಾಮಿ ಹಾಗೂ ಪ್ರಾಚಾರ್ಯ ಎನ್‌. ವಿಶ್ವನಾಥಗೌಡ ಅವರು ಸಂತಸ ವ್ಯಕ್ತಪಡಿಸಿದ್ದಾರೆ.