ಹಂಪಿ ಉತ್ಸವ; ಗಮನ ಸೆಳೆದ ಕಲಾ ತಂಡಗಳ ಮೆರವಣಿಗೆ

ಹೊಸಪೇಟೆ (ವಿಜಯನಗರ): ಹಂಪಿ ಉತ್ಸವದ ಅಂಗವಾಗಿ ವಿಜಯನಗರ ವಸಂತ ವೈಭವ ಜಾನಪದ ಕಲಾ‌ತಂಡಗಳ ಮೆರವಣಿಗೆ ಗುರುವಾರ ಸಂಜೆ ನಗರದಲ್ಲಿ ನಡೆಯಿತು.

ಡೊಳ್ಳು ಕುಣಿತ, ಮರ ಕುಣಿತ, ಹಗಲುವೇಷಧಾರಿಗಳು, ಕಂಸಾಳೆ, ವೀರಭದ್ರ ಕುಣಿತ, ಕೋಲಾಟ ಸೇರಿದಂತೆ ಐವತ್ತಕ್ಕೂ ಹೆಚ್ಚು ಕಲಾ ತಂಡಗಳು ಪಾಲ್ಗೊಂಡಿದ್ದವು.

ಜಿಲ್ಲಾ ಉಸ್ತುವಾರಿ ಸಚಿವೆ ಶಶಿಕಲಾ ಅಣ್ಣಾಸಾಹೇಬ್ ಜೊಲ್ಲೆ ಚಾಲನೆ ನೀಡಿದರು. ಮೆರವಣಿಗೆಯಲ್ಲಿ ಅವರು ಡೊಳ್ಳು ಬಾರಿಸಿ ಗಮನ ಸೆಳೆದರೆ, ಪ್ರವಾಸೋದ್ಯಮ ಸಚಿವ ಅಲಂಕರಿಸಿದ ಟ್ರ್ಯಾಕ್ಟರ್ ಓಡಿಸಿದರು. ಮೆರವಣಿಗೆಯಿಂದ ಜಾತ್ರೆಯ ವಾತಾವರಣ ಸೃಷ್ಟಿಯಾಗಿತ್ತು.