ಹೊಸಪೇಟೆ: ಮಳೆಗೆ ಕುಸಿದು ಬಿದ್ದ ಹಂಪಿ ಮಂಟಪ

ಹೊಸಪೇಟೆ: ಸತತ ಮಳೆಗೆ ವಿಶ್ವಪ್ರಸಿದ್ಧ ಹಂಪಿಯ ನೆಲಸ್ತರ ಶಿವ ದೇವಾಲಯಕ್ಕೆ ಹೊಂದಿಕೊಂಡಿರುವ ಪ್ರಸನ್ನ ವಿರೂಪಾಕ್ಷ ದೇಗುಲದ ಮಂಟಪದ ಗೋಡೆಯ ಕಲ್ಲುಗಳು ಮಂಗಳವಾರ ಕುಸಿದು ಬಿದ್ದಿವೆ.

ಮಂಗಳವಾರ ಸುರಿದ ಭಾರಿ ಮಳೆಗೆ ಇಡೀ ದೇಗುಲ ಜಲಾವೃತಗೊಂಡಿದ್ದು, ಮಂಟಪದ ಕಲ್ಲುಗಳು ಉರುಳಿ ಬಿದ್ದಿವೆ. ಘಟನೆ ನಡೆದಾಗ ಸ್ಥಳದಲ್ಲಿ ಯಾರೂ ಇರಲಿಲ್ಲ.

ದೇವಾಲಯದ ಸುತ್ತ ನೀರು ನಿಂತಿರುವುದರಿಂದ ಪ್ರವಾಸಿಗರು ಒಳಗೆ ಹೋಗದೇ ದೂರದಿಂದಲೇ ಕಣ್ತುಂಬಿಕೊಂಡು ಹೋಗುತ್ತಿದ್ದಾರೆ.