ಕಬಡ್ಡಿ ಸಬ್ ಜ್ಯೂನಿಯರ್ ತಂಡಕ್ಕೆ ಸಮರ್ಥ ಆಯ್ಕೆ

ಹರಪನಹಳ್ಳಿ: 14 ವರ್ಷದೊಳಗಿನವರ ರಾಷ್ಟ್ರೀಯ ಸಬ್ ಜ್ಯೂನಿಯರ್ ಕಬಡ್ಡಿ ತಂಡಕ್ಕೆ ತಾಲ್ಲೂಕಿನ ಕುಂಚೂರು ಗ್ರಾಮದ ದೈಹಿಕ ಶಿಕ್ಷಣ ಶಿಕ್ಷಕ ಜಯಣ್ಣ ಪೂಜಾರ್ ಮತ್ತು ಮಂಜುಳಾ ಅವರ ಪುತ್ರ ಜೆ.ಸಮರ್ಥ ಪೂಜಾರ್ ಆಯ್ಕೆಯಾಗಿದ್ದಾರೆ.

ದಾವಣಗೆರೆ ಜವಾಹರ ನವೋದಯ ವಿದ್ಯಾಲಯ ಸಮಿತಿ (ಹಾವೇರಿ ವಲಯ)ಯಲ್ಲಿ 8ನೇ ತರಗತಿ ವಿದ್ಯಾಭ್ಯಾಸ ಮಾಡುತ್ತಿದ್ದಾರೆ. ಹೈದ್ರಾಬಾದ್ ವಿಭಾಗ ಮಟ್ಟದಲ್ಲಿ ನಡೆದ ಸ್ಪರ್ಧೆಯಲ್ಲಿ ಉತ್ತಮ ಪ್ರದರ್ಶನ ನೀಡಿದ ಸಮರ್ಥ್ ಅವರನ್ನು ನವೋದಯ ವಿದ್ಯಾಲಯ ಆಯ್ಕೆ ಸಮಿತಿ ಸಬ್ ಜ್ಯೂನಿಯರ್ ತಂಡಕ್ಕೆ ಆಯ್ಕೆ ಮಾಡಿದೆ ಎಂದು ನವೋದಲಯ ವಿದ್ಯಾಲಯದ ಸಮಿತಿ ಪ್ರಕಟಣೆ ತಿಳಿಸಿದೆ.