ಹೊಸಪೇಟೆ: ಕನ್ನಡ ವಿ.ವಿ.ಯಲ್ಲಿ ಕಾಡು ಸಿಪಿಲೆ! ಎಲ್ಲಿಂದ ಬಂತು ಈ ಅಪರೂಪದ ಪಕ್ಷಿ?

ಹೊಸಪೇಟೆ (ವಿಜಯನಗರ): ಇಲ್ಲಿನ ಹಂಪಿ ಕನ್ನಡ ವಿಶ್ವವಿದ್ಯಾಲಯದಲ್ಲಿ ಬುಧವಾರ ಗುಬ್ಬಿಯನ್ನೇ ಹೋಲುವ ಅಪರೂಪದ ಪಕ್ಷಿ ಕಾಡು ಸಿಪಿಲೆ (ವ್ಯಾಗ್‌ಟೇಲ್‌) ಕಾಣಿಸಿಕೊಂಡಿದೆ.

ತಾಲ್ಲೂಕಿನ ಕಮಲಾಪುರದ ಪಕ್ಷಿ ವೀಕ್ಷಕ ಜಿ.ಎ. ಶಬರೀಶ ಅದನ್ನು ಕ್ಯಾಮೆರಾದಲ್ಲಿ ಸೆರೆ ಹಿಡಿದಿದ್ದಾರೆ. ‘ಪೂರ್ವ ಏಷ್ಯಾ, ಯೂರೋಪ್‌ ರಾಷ್ಟ್ರಗಳಲ್ಲಿ ಕಾಡು ಸಿಪಿಲೆ ಹೆಚ್ಚಿನ ಸಂಖ್ಯೆಯಲ್ಲಿವೆ. ನಮ್ಮ ಸಂಡೂರು ಭಾಗದಲ್ಲೂ ಇವೆ. ಬೇರೆ ಎಲ್ಲ ಪಕ್ಷಿಗಳು ಹುಲ್ಲುಗಾವಲಿನಲ್ಲಿ ಮೊಟ್ಟೆ ಇಟ್ಟರೆ, ಕಾಡು ಸಿಪಿಲೆ ಮಾತ್ರ ಮರದ ಮೇಲೆ ಗೂಡುಕಟ್ಟಿ ಮರಿ ಇಡುತ್ತದೆ. ಹೊಸಪೇಟೆ, ಸಂಡೂರು ಸುತ್ತಮುತ್ತ ಅನೇಕ ಕಾಡುಸಿಪಿಲೆ ಪಕ್ಷಿಗಳಿವೆ. ಆದರೆ, ಅವುಗಳು ಜನರ ಕಣ್ಣಿಗೆ ಬೀಳುವುದು ಅಪರೂಪ’ ಎಂದು ಪಕ್ಷಿ ತಜ್ಞ ಸಮದ್‌ ಕೊಟ್ಟೂರು ತಿಳಿಸಿದ್ದಾರೆ.