ಮುದ್ದೇಬಿಹಾಳ: ತಂದೆಯ ಕನಸು ಮಗಳಿಂದ ಸಾಕಾರ

ಮುದ್ದೇಬಿಹಾಳ: ಮುದ್ದೇಬಿಹಾಳ ನ್ಯಾಯಾಲಯದಲ್ಲಿ ವಕೀಲರಾಗಿ ಸೇವೆ ಸಲ್ಲಿಸುತ್ತಿರುವ ಎಸ್.ಎಂ. ಗುಡದಿನ್ನಿ ಅವರ ಪುತ್ರಿ ಐಶ್ವರ್ಯಾ ಗುಡದಿನ್ನಿ ಹೈಕೋರ್ಟ್‌ನ ಸಿವಿಲ್‌ ನ್ಯಾಯಾಧೀಶರ ನೇಮಕಾತಿ ಪರೀಕ್ಷೆಯಲ್ಲಿ ತೇರ್ಗಡೆಯಾಗುವ ಮೂಲಕ ತಂದೆಯ ಕನಸನ್ನು ನನಸು ಮಾಡಿದ್ದಾರೆ.

2023ರ ನವೆಂಬರ್‌ನಲ್ಲಿ ನಡೆದ ಪರೀಕ್ಷೆ ಅಂತಿಮ ಆಯ್ಕೆ ಪಟ್ಟಿಯನ್ನು ಶುಕ್ರವಾರ ಹೈಕೋರ್ಟ್‌ ಬಿಡುಗಡೆ ಮಾಡಿದೆ.
ಐಶ್ವರ್ಯಾ ಅವರು 2019 ರಲ್ಲಿ ಬೆಳಗಾವಿ ಆರ್.ಎಲ್ ಲಾ ಕಾಲೇಜಿನಲ್ಲಿ, ನಂತರ ಬೆಂಗಳೂರಿನ ಸಿಎಂಆರ್ ವಿಶ್ವವಿದ್ಯಾಲಯದಲ್ಲಿ ಎಲ್.ಎಲ್.ಎಂ ಅಧ್ಯಯನ ಮಾಡಿದ್ದರು. 2023ರಿಂದ ವಕೀಲರಾಗಿ ಬೆಳಗಾವಿ ಜಿಲ್ಲಾ ನ್ಯಾಯಾಲಯದಲ್ಲಿ ಅಭ್ಯಾಸ ನಡೆಸಿದ್ದರು.

ಇವರು ಯೋಗ ಶಿಕ್ಷಕಿ ಪ್ರೇಮಾ ಹಾಗೂ ವಕೀಲರಾದ ಎಸ್.ಎಂ. ಗುಡದಿನ್ನಿ ಅವರ ಪುತ್ರಿ.