ಇನ್‌ಸ್ಟಾಗ್ರಾಂ ಲವ್‌ಸ್ಟೋರಿ: ಗೃಹಿಣಿಯನ್ನು ಬಾವಿಗೆ ದೂಡಿದ ಯುವಪ್ರೇಮಿ

ವಿಜಯಪುರ: ಒಂದೂವರೆ ತಿಂಗಳ ಹಿಂದೆಯಷ್ಟೇ ಇನ್‌ಸ್ಟಾಗ್ರಾಂನಲ್ಲಿ ಪರಿಚಯವಾದ ಯುವಕನೊಬ್ಬ ತನ್ನನ್ನು ಕಾಣಲು ಬಂದ ವಿವಾಹಿತ ಮಹಿಳೆಯನ್ನು ನೂರು ಅಡಿ ಪಾಳುಬಾವಿಯಲ್ಲಿ ದೂಡಿ ಪರಾರಿಯಾದ ಘಟನೆ ದೇವನಹಳ್ಳಿ ಸಮೀಪ ನಡೆದಿದೆ.

ನಾಲ್ಕು ದಿನಗಳಿಂದಎ. ರಂಗನಾಥ ಪುರದ ಬಳಿಯ ಪಾಳುಬಾವಿಯಲ್ಲಿ ಬಿದ್ದಿದ್ದ ಮಹಿಳೆಯನ್ನು ಪೊಲೀಸರು ಬುಧವಾರ ಕ್ರೇನ್‌ ಮೂಲಕ ಮೇಲೆತ್ತಿ ರಕ್ಷಿಸಿದ್ದಾರೆ. ಆಕೆ ನೀಡಿದ ಮಾಹಿತಿ ಮೇರೆಗೆ ಪ್ರಿಯಕರನನ್ನು ಬಂಧಿಸಿದ್ದಾರೆ.

ಇನ್‌ಸ್ಟಾಗ್ರಾಂನಲ್ಲಿ ಅರಳಿದ ಪ್ರೀತಿ: ಒಂದೂವರೆ ತಿಂಗಳ ಹಿಂದೆ ರಂಗನಾಥಪುರ ಗ್ರಾಮದ ಆದರ್ಶ್ ಮತ್ತುಕೋಲಾರ ಜಿಲ್ಲೆಯ ಮಾಲೂರು ತಾಲ್ಲೂಕಿನ ಸೊಣ್ಣಹಳ್ಳಿಯ 22 ವರ್ಷದ ವಿವಾಹಿತ ಮಹಿಳೆ ಇನ್‌ಸ್ಟಾಗ್ರಾಂ ಮೂಲಕ ಪರಿಚಿತರಾಗಿದ್ದರು.