ನಂದರಗಿ ಗ್ರಾ.ಪಂ: ಅಧ್ಯಕ್ಷೆಯಾಗಿ ಲಗಮಾಬಾಯಿ ಪೂಜಾರಿ ಆಯ್ಕೆ

ಹೊರ್ತಿ: ಸಮಿಪದ ನಂದರಗಿ ಗ್ರಾ.ಪಂ ಅಧ್ಯಕ್ಷ ಹಾಗೂ ಉಪಾಧ್ಯಕ್ಷ ಸ್ಥಾನಕ್ಕೆ ಈಚೆಗೆ ನಡೆದ ಚುನಾವಣೆಯಲ್ಲಿ ಅಧ್ಯಕ್ಷೆಯಾಗಿ ಲಗಮಾಬಾಯಿ ಚಂದ್ರಕಾಂತ ಪೂಜಾರಿ ಹಾಗೂ ಉಪಾಧ್ಯಕ್ಷರಾಗಿ ಸಂಗನಗೌಡ ಮರನಿಂಗಪ್ಪಗೌಡ.ಪಾಟೀಲ ಅವಿರೋಧವಾಗಿ ಆಯ್ಕೆಯಾದರು ಎಂದು ಚುನಾವಣಾ ಅಧಿಕಾರಿ ಆರ್‌.ಜಿ. ಹಳ್ಳಿ ತಿಳಿಸಿದರು.

ಒಟ್ಟು 13 ಸದಸ್ಯರು , ನಂದರಗಿ, ಶಿಗಣಾಪುರ, ಧುಮಕನಾಳ ಈ ಮೂರು ಗ್ರಾಮದ ಸದಸ್ಯರು ಕೂಡಿ ಸರ್ವಾನುಮತದಿಂದ ಅಧ್ಯಕ್ಷ ಹಾಗೂ ಉಪಾಧ್ಯಕ್ಷ ಸ್ಥಾನಕ್ಕೆ ಅವಿರೋಧವಾಗಿ ಆಯ್ಕೆ ಮಾಡಿದರು.

ಗ್ರಾ.ಪಂ ಪಿಡಿಒ ಸುರೇಶ ಕುಂಬಾರ, ಸಂತೋಷಗೌಡ ಪಾಟೀಲ, ಶೇಖುಗೌಡ ಪಾಟೀಲ, ಗುಂಡುಗೌಡ ಪಾಟೀಲ ಹಾಗೂ ನಂದರಗಿ, ಶಿಗಣಾಪುರ, ಧುಮಕನಾಳ ಗ್ರಾಮಗಳ ಗ್ರಾಮಸ್ಥರು ಉಪಸ್ಥಿತರಿದ್ದರು.