ನಾರಾಯಣಪುರ | ಬಸ್‌ ತಂಗುದಾಣದ ಮೇಲ್ಚಾವಣಿ ಕುಸಿತ

ನಾರಾಯಣಪುರ: ಈಚೆಗೆ ಸುರಿದ ಮಳೆಗೆ ರಾಯನಗೋಳ ಗ್ರಾಮದ ಮುಖ್ಯ ರಸ್ತೆಗೆ ಹೊಂದಿಕೊಂಡಿರುವ ಬಸ್ ತಂಗುದಾಣದ ಮೇಲ್ಚಾವಣೆ ಕುಸಿದು ಬಿದ್ದಿದೆ.

ವಿಶ್ವ ಆಹಾರ ಯೋಜನೆ ಅಡಿ ಹಲವು ದಶಕಗಳ ಹಿಂದೆ ನಿರ್ಮಿಸಲಾದ ಬಸ್ ಸೆಲ್ಟರ್ ಗ್ರಾಮ ಸೇರಿ ಹತ್ತಿರದ ಗ್ರಾಮಗಳ ಪ್ರಯಾಣಿಕರಿಗೆ, ವಿದ್ಯಾರ್ಥಿಗಳಿಗೆ ಆಸರೆಯಾಗಿತ್ತು.

ನಿರ್ವಹಣೆ ಕೊರೆತೆಯಿಂದಾಗಿ ಸದ್ಯ ತಂಗುದಾಣದ ಗೋಡೆಗಳು ಬಿರುಕು ಬಿಟ್ಟಿವೆ. ಮೇಲ್ಚಾವಣೆ ಕುಸಿದು ಬಿದ್ದಿದಕ್ಕೆ ಮಳೆ, ಬಿಸಿಲಿನ ಸಂದರ್ಭದಲ್ಲಿ ರಕ್ಷಿಸಿಕೊಳ್ಳಲು ಪ್ರಯಾಣಿಕರಿಗೆ ತುಂಬಾ ತೊಂದರೆ ಉಂಟಾಗಿದೆ. ಹೀಗಾಗಿ ಸಂಬಂಧಪಟ್ಟವರು ಹಳೆ ಬಸ್ ತಂಗುದಾಣದ ಕಟ್ಟಡವನ್ನು ಸಂಪೂರ್ಣವಾಗಿ ತೆರವುಗೊಳಿಸಿ ನೂತನ ಬಸ್ ತಂಗುದಾಣ ನಿರ್ಮಿಸಬೇಕು ಎಂದು ಕರವೇ ರಾಯನಗೋಳ ಗ್ರಾಮ ಘಟಕದ ಅಧ್ಯಕ್ಷ ಶಿವರಾಜ ಮಿಂಚೇರಿ ಸೇರಿ ಇತರೆ ಪದಾಧಿಕಾರಿಗಳು ಒತ್ತಾಯಿಸಿದ್ದಾರೆ.