ನಾರಾಯಣಪುರ ಗ್ರಾಮಸಭೆ: ನರೇಗಾ ಕಾಮಗಾರಿಗಳ ಚರ್ಚೆ

ನಾರಾಯಣಪುರ: ಇಲ್ಲಿನ ಯಲ್ಲಾಲಿಂಗ ಮಠದ ಆವರಣದಲ್ಲಿ ಸ್ಥಳೀಯ ಗ್ರಾಮ ಪಂಚಾಯಿತಿಯ ವತಿಯಿಂದ ಗ್ರಾಮ ಸಭೆ ಜರುಗಿತು.

ಸಭೆಯಲ್ಲಿ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ಮಲ್ಲೇಶಪ್ಪಗೌಡ ಮಾತನಾಡಿ, ಗ್ರಾಮಾಭಿವೃದ್ಧಿಗೆ ವಿಶೇಷ ಆದ್ಯತೆ ನೀಡುವ ನಿಟ್ಟಿನಲ್ಲಿ ಪಂಚಾಯಿತಿ ವ್ಯಾಪ್ತಿಯ ವಾರ್ಡ್‌ಗಳಲ್ಲಿ ಪ್ರಸಕ್ತ ಸಾಲಿನ ನರೇಗಾ ಯೋಜನೆ ಅಡಿ ಕೈಗೊಳ್ಳಬೇಕಾದ ಕಾಮಗಾರಿಗಳ ಕುರಿತು ಕ್ರಿಯಾ ಯೋಜನೆಯನ್ನು ಆನ್‌ಲೈನ್‌ನಲ್ಲಿ  ಸಲ್ಲಿಸಬೇಕಾಗಿದೆ ಎಂದರು.

ನರೇಗಾ ಯೋಜನೆ ಅಡಿ ಕೈಗೊಳ್ಳಬೇಕಾದ ಕಾಮಗಾರಿಗಳ ವಿವರ, ನಿಯಮಗಳ ಪಾಲನೆ ಬಗ್ಗೆ ಸಭೆಗೆ ಮಾಹಿತಿ ನೀಡಿದರು.

ಗ್ರಾ.ಪಂ ಅಧ್ಯಕ್ಷ ಹಣಮಂತ ಕಬಡರ ಸಭೆಯ ಅಧ್ಯಕ್ಷತೆ ವಹಿಸಿದ್ದರು. ಉಪಾಧ್ಯಕ್ಷೆ ಚಾಂದುಬಾಯಿ ಖೂಬಣ್ಣ, ಸದಸ್ಯರಾದ ಅಂದಾನಪ್ಪ ಚಿನವಾಲರ, ಅಮರೇಶ ಅಮರಾವತಗಿ, ಹುಲಗಪ್ಪಗೌಡ, ವಿರೇಶ ಕಂಬಳಿ, ಕಾಸಿಂಸಾಬ, ರಾಜು ನಾಲತವಾಡ, ದೇವಿಂದ್ರಪ್ಪ, ವಿರೇಶ ಗಣಾಚಾರಿ, ಲಕ್ಷ್ಮಣ, ಹುಸೇನ್, ಮುಖಂಡರಾದ ಆಂಜನೇಯ ದೊರಿ, ಅಮರೇಶ ಕೋಳೂರ ಸೇರಿ ಸಿಬ್ಬಂದಿ, ಗ್ರಾಮಸ್ಥರು ಉಪಸ್ಥಿತರಿದ್ದರು.