ಯಾದಗಿರಿ | ಸಿಎಂ ಜತೆ ಸಂವಾದಕ್ಕೆ ಇಬ್ಬರು ವಿದ್ಯಾರ್ಥಿಗಳು ಆಯ್ಕೆ

ಗುರುಮಠಕಲ್: ‘ಯಾದಗಿರಿ ಜಿಲ್ಲಾ ಮಟ್ಟದ ಮಕ್ಕಳ ಹಕ್ಕುಗಳ ಸಂಸತ್ತಿನ ವತಿಯಿಂದ ನ.25ರಂದು ಜರುಗಲಿರುವ ಮುಖ್ಯಮಂತ್ರಿಗಳೊಡನೆ ಸಂವಾದಕ್ಕೆ ತಾಲ್ಲೂಕಿನ ಎಲ್ಹೇರಿ ಸರ್ಕಾರಿ ಪ್ರೌಢ ಲೆಯ ಸಣ್ಣಾಮೀರ್ ಮತ್ತು ಶಹಾಪುರ ತಾಲ್ಲೂಕಿನ ಹತ್ತಿಗುಡೂರಿನ ಸರ್ಕಾರಿ ಪ್ರೌಢಶಾಲೆಯ ಭಾಗ್ಯ ಯಕ್ಷಂತಿ ಆಯ್ಕೆಯಾಗಿದ್ದಾರೆ’ ಎಂದು ಮಕ್ಕಳ ಹಕ್ಕುಗಳ ಸಂಸತ್ ಜಿಲ್ಲಾ ಸಂಘಟಕ ಶರಣಪ್ಪ ಎನ್. ಕಂದಕೂರು ತಿಳಿಸಿದ್ದಾರೆ.

ಈ ಕುರಿತು ಪತ್ರಿಕಾ ಹೇಳಿಕೆ ನೀಡಿದ ಅವರು, ‘ಮಕ್ಕಳ ಸಮಸ್ಯೆಗಳ ಕುರಿತು ಮುಖ್ಯಮಂತ್ರಿಗಳೊಂದಿಗೆ ಜರುಗಲಿರುವ ಸಭೆಯಲ್ಲಿ ಜಿಲ್ಲೆಯ ಮಕ್ಕಳನ್ನು ಇವರು ಪ್ರತಿನಿಧಿಸಲಿದ್ದಾರೆ’ ಎಂದು ತಿಳಿಸಿದರು. ವಿದ್ಯಾರ್ಥಿಗಳ ಆಯ್ಕೆಗೆ ಎಲ್ಹೇರಿ ಮುಖ್ಯಶಿಕ್ಷಕ ಕೆ.ಮೊಗುಲಪ್ಪ ಯಾನಾಗುಂದಿ, ಎಸ್.ಡಿ.ಎಂ.ಸಿ. ಮತ್ತು ಸಿಬ್ಬಂದಿ ಹರ್ಷವ್ಯಕ್ತಪಡಿಸಿದ್ದಾರೆ.