ಬಿ.ಎಸ್ಸಿ (ಕೃಷಿ), ಪಶುವೈದ್ಯಕೀಯ, ಆಯುಷ್: ಸೀಟು ಹಂಚಿಕೆ

ಬೆಂಗಳೂರು: ಬಿ.ಎಸ್ಸಿ (ಕೃಷಿ), ಪಶು ವೈದ್ಯಕೀಯ ಕೋರ್ಸ್‌ಗಳ ಮತ್ತು ಆಯುಷ್‌ ಸೀಟು ಹಂಚಿಕೆಯ ಅಂತಿಮ ಫಲಿತಾಂಶವನ್ನು ಕರ್ನಾಟಕ ಪರೀಕ್ಷಾ ಪ್ರಾಧಿಕಾರ ಬುಧವಾರ ಪ್ರಕಟಿಸಿದೆ.

ನ. 14ರೊಳಗೆ ಶುಲ್ಕ ಪಾವತಿಸಿ, ನ. 15ರೊಳಗೆ ಕಾಲೇಜುಗಳಿಗೆ ಪ್ರವೇಶ ಪಡೆಯಬೇಕು ಎಂದು ಪ್ರಾಧಿಕಾರದ ಕಾರ್ಯನಿರ್ವಾಹಕ ನಿರ್ದೇಶಕ ಎಚ್. ಪ್ರಸನ್ನ ಹೇಳಿದ್ದಾರೆ.

ಪಶು ವೈದ್ಯಕೀಯ ಕೋರ್ಸ್‌ನ 58 ಸೀಟು ಸೇರಿದಂತೆ ಒಟ್ಟು 338 ಸೀಟು ಹಂಚಿಕೆ‌ ಮಾಡಲಾಗಿದೆ. 1,800 ಅಭ್ಯರ್ಥಿಗಳು ಆಪ್ಷನ್‌ ದಾಖಲು‌ ಮಾಡಿದ್ದರು ಎಂದು ಮಾಹಿತಿ ನೀಡಿದ್ದಾರೆ.