Interview | ಹಣ, ಮದ್ಯ ಹಂಚದೇ ಚುನಾವಣೆ, ಇದು ನಮ್ಮ ವಾಗ್ದಾನ: ರವಿಕೃಷ್ಣಾ ರೆಡ್ಡಿ

ಅಮೆರಿಕದಲ್ಲಿ ಸಾಫ್ಟ್‌ವೇರ್ ಎಂಜಿನಿಯರ್ ವೃತ್ತಿಗೆ ವಿದಾಯ ಹೇಳಿ ರಾಜ್ಯದಲ್ಲಿ ಸಮಾಜಸೇವೆ ಮಾಡುವ ಹಂಬಲದಿಂದ ಮರಳಿ ಬಂದೆ. ಇಲ್ಲಿಗೆ ಬಂದ ನಂತರ ರಾಜಕೀಯ ಭ್ರಷ್ಟಾಚಾರ, ಅವ್ಯವಸ್ಥೆ ಕಂಡು ಬಿಜೆಪಿ, ಕಾಂಗ್ರೆಸ್‌ ಹಾಗೂ ಜೆಡಿಎಸ್‌ ಪಕ್ಷಗಳಿಗೆ ಪರ್ಯಾಯವಾಗಿ ರಾಜಕೀಯ ಮಾಡುವ ನಿರ್ಧಾರ ಮಾಡಿದೆ. 2013 ಲೋಕಸತ್ತಾ ಪಕ್ಷದಿಂದ, 2018ರಲ್ಲಿ ಪಕ್ಷೇತರನಾಗಿ ಸ್ಪರ್ಧಿಸಿದ್ದೆ. ನಂತರ ಎರಡೂವರೆ ವರ್ಷ ಎಎಪಿಯಲ್ಲಿ ಕೆಲಸ ಮಾಡಿದೆ. ಅಲ್ಲಿಂದ ಹೊರಬಂದ ನಂತರ ರಾಜಕೀಯ ನಿಷ್ಕ್ರಿಯತೆ ಹೋಗಲಾಡಿಸಲು ಕೆಆರ್‌ಎಸ್‌ ಪಕ್ಷ ಕಟ್ಟಿದೆ. 

ನಿಯಮಗಳಿಗೆ ಅನುಗುಣವಾಗಿ ಚುನಾವಣಾ ಆಯೋಗಕ್ಕೆ ಅರ್ಜಿ ಸಲ್ಲಿಸಿದ್ದೆವು. ಪ್ರಕ್ರಿಯೆಗಳು ಪೂರ್ಣಗೊಳ್ಳುವುದರ ಒಳಗೆ ಬೇರೆ ಪಕ್ಷಕ್ಕೆ ಆ ಚಿಹ್ನೆ ಹೋಗಿತ್ತು. ಹಾಗಾಗಿ, ‘ಟಾರ್ಚ್‌’ ಆಯ್ಕೆ ಮಾಡಿಕೊಂಡೆವು. ಈ ಟಾರ್ಚ್‌ ‘ಭ್ರಷ್ಟಾಚಾರದ ಅಂಧಕಾರದಲ್ಲಿ ಮುಳುಗಿರುವ ಕರ್ನಾಟಕಕ್ಕೆ ಭರವಸೆಯ ಬೆಳಕು’ ತರಲಿದೆ.

ಖಂಡಿತಾ ಅಲ್ಲ, ಆಮ್‌ ಆದ್ಮಿ ಪಕ್ಷ ಬೇರೆ ರಾಜ್ಯಗಳಲ್ಲಿ ಈಗಾಗಲೇ ಅಸ್ತಿತ್ವದಲ್ಲಿರುವ ಕಾರಣದಿಂದ ರಾಜ್ಯದ ಜನರು ಗುರುತಿಸುತ್ತಿದ್ದಾರೆ ಅಷ್ಟೆ. ಅವರಿಗೆ ಸಂಪನ್ಮೂಲವೂ ಇದೆ. ಕೆಆರ್‌ಎಸ್‌ಪಿ ಭ್ರಷ್ಟಾಚಾರದ ವಿರುದ್ಧ ನಿರಂತರವಾಗಿ ಧ್ವನಿ ಎತ್ತಿದೆ. ಪರಿಣಾಮಕಾರಿ ಹೋರಾಟಗಳನ್ನು ಹಮ್ಮಿಕೊಂಡಿದೆ. ರಚನಾತ್ಮಕ ಕೆಲಸಗಳ ಮೂಲಕ ರಾಜ್ಯದ ಮೂಲೆಮೂಲೆ ತಲುಪಿದೆ. ಅವಕಾಶ ಸಿಗದ ಶ್ರೀಮಂತರು, ಸಚ್ಚಾರಿತ್ರ್ಯ ಇಲ್ಲದ ರಾಜಕಾರಣಗಳು ಇತರೆ ರಾಜಕೀಯ ಪಕ್ಷ ಸೇರಿದಂತೆ ಎಎಪಿಯನ್ನೂ ಸೇರುತ್ತಿದ್ದಾರೆ. ಅಭ್ಯರ್ಥಿಗಳು ಹಲವು ಕಡೆ ಮತದಾರರಿಗೆ ಆಮಿಷ ಒಡ್ಡಿದ ಆರೋಪಗಳೂ ಕೇಳಿ ಬಂದಿವೆ. ಆ ಪಕ್ಷದಲ್ಲಿ ಮೊದಲಿದ್ದ ಶೀಲ, ಪಾವಿತ್ರ್ಯ ಉಳಿದಿಲ್ಲ.

ಮತದಾರರಿಗೆ ಹಣ, ಮದ್ಯ ಇತರೆ ಆಮಿಷ ಒಡ್ಡದೆ ಚುನಾವಣೆ ನಡೆಸಿದರೆ ಚುನಾವಣಾ ಆಯೋಗ ನಿಗದಿ ಮಾಡಿದ ಹಣಕ್ಕಿಂತ ಕಡಿಮೆ ಮೊತ್ತದಲ್ಲೇ ಚುನಾವಣೆ ಮಾಡಬಹುದು. ಜನರು ಪಕ್ಷಕ್ಕೆ ಸಣ್ಣಸಣ್ಣ ಮೊತ್ತದ ದೇಣಿಗೆ ನೀಡುತ್ತಿದ್ದಾರೆ. ಹಣ, ಮದ್ಯ ಹಂಚದೇ ಚುನಾವಣೆ ಮಾಡುವ ವಾಗ್ದಾನವನ್ನು ನಮ್ಮ ಅಭ್ಯರ್ಥಿಗಳೂ ನೀಡಿದ್ದಾರೆ. 

ಇಲ್ಲ, ರಾಜಕೀಯ ಪಕ್ಷಗಳ ವರ್ತನೆ, ಮೋಸದಿಂದ ಜನರು ಭ್ರಮನಿರಸನಗೊಂಡಿದ್ದಾರೆ. ಹಾಗಾಗಿ, ಭ್ರಷ್ಟಾಚಾರದ ವಿಷಯವನ್ನು ಗಂಭೀರವಾಗಿ ತೆಗೆದುಕೊಳ್ಳದೆ ಇರಬಹುದು. ಯಾರು ಗೆದ್ದರೂ ಅಷ್ಟೆ ಎನ್ನುವ ನಿರಾಶಾದಾಯಕ ಸ್ಥಿತಿಗೆ ಬಂದಿದ್ದಾರೆ. ಅನಿವಾರ್ಯವಾಗಿ ಸಹಿಸಿಕೊಳ್ಳುತ್ತಿದ್ದಾರೆ. ಆಯ್ಕೆಗಳಿಲ್ಲದ ಕಾರಣ ಇರುವವರಲ್ಲೇ ಒಬ್ಬರನ್ನು ಆಯ್ಕೆ ಮಾಡಿಕೊಳ್ಳುತ್ತಿದ್ದಾರೆ. 

ಬಿಜೆಪಿ ಸಾಂವಿಧಾನಿಕ ಸಂಸ್ಥೆಗಳನ್ನು ದುರುಪಯೋಗ ಮಾಡಿಕೊಳ್ಳುತ್ತಿದೆ. ಅದಕ್ಕೆ ವಿರೋಧ ಪಕ್ಷಗಳ ದೌರ್ಬಲ್ಯವೂ ಕಾರಣ. ಪ್ರಾಮಾಣಿಕ, ಮೌಲ್ಯಾಧಾರಿತ ರಾಜಕಾರಣ ಮಾಡಿದರೆ ಯಾರೂ ಬಗ್ಗುಬಡಿಯಲು ಸಾಧ್ಯವಾಗದು.